एअर होस्टेसची नोकरी सोडली; साध्वी बनण्यासाठी महाकुंभात आलेली ती सुंदर मुलगी कोण?

Kumbh Mela 2025 : प्रयागराज येथे सुरू असलेला महाकुंभ विविध कारणांमुळे यंदा अधिकच चर्चेत आहे. कधी अपघाताच्या घटना तर कधी विविध प्रकारच्या सांधूमुळे हा कुंभमेळा चांगलाच चर्चेत आलाय. विशेष करून युट्यूबर्स आणि रील्स निर्मात्यांमुळे महाकुंभातील अनेक गोष्टींची चर्चा होऊ लागली आहे. महाकुंभातील व्हिडिओ सोशल मीडियावर मोठ्या प्रमाणात व्हायरल होत आहेत, ज्यामध्ये अनेक अनोख्या कथा समोर येत आहेत. कोणी कडुलिंबाच्या काड्या विकून हजारो रुपये कमवले तर कोणी सर्व सांसारिक इच्छा सोडून साधू बनण्यासाठी आल्याचे पाहायला मिळतंय.

दरम्यान, एका सुंदर साध्वीचा आणखी एक व्हिडिओ सर्वांचे लक्ष वेधून घेत आहे ज्यामध्ये माजी एअर होस्टेस दीजा शर्मा साध्वी बनण्याची इच्छा व्यक्त करत आहे. ती म्हणते की तिने भौतिक जीवनापासून स्वतःला दूर ठेवण्याचा निर्णय घेतला आहे. हा व्हिडिओ सोशल मीडियावर व्हायरल झाला आहे आणि लोक त्यावर वेगवेगळ्या प्रकारे प्रतिक्रिया देत आहेत. महाकुंभातून असे मनोरंजक व्हिडिओ सतत येत आहेत. आता दीजा शर्माला महाकुंभातील दुसरी व्हायरल गर्ल असेही म्हटले जात आहे. चला तर जाणून घेऊया, ही व्हायरल झालेली मुलगी कोण आहे? तिला साध्वी का व्हायचे आहे?, वाचा सविस्तर.

एअर होस्टेस साध्वी झाली

एका व्हायरल व्हिडिओत दिजा शर्मा म्हणाली, "एअर होस्टेसची नोकरी लाखोंची असली तरी जेव्हा मन आनंदी नसते आणि धार्मिक गोष्टींमधून शांती मिळत नाही, तेव्हा ती व्यक्ती त्याच मार्गावर जाते. मग पैशाला महत्त्व नसते, मनाची शांती महत्त्वाची असते." त्यांचे हे विधान अधिकाधिक व्हायरल होत आहे. आता लोक मोनालिसासोबत दिशा शर्माबद्दल बोलत आहेत.

शांतीसाठी अध्यात्माचा मार्ग निवडा

मी आधी एअर होस्टेस होते, पण आता मी काही विषयांवर संशोधन करत आहे. माझ्या आईचे सहा महिन्यांपूर्वी निधन झाले. तिला खूप कमी वयातच जगाचा निरोप घ्यावा लागला. ज्यामुळे मला हे खोलवर जाणवले की जर तुमचे जवळचे लोक तुमच्यासोबत नसतील तर पैसे कमवण्याचे खरे मूल्य नाही. माझ्या आईच्या निधनानंतर, मी माझ्या आयुष्याकडे एका नवीन दृष्टिकोनातून पाहू लागलो आणि अध्यात्माकडे जाण्याचा निर्णय घेतला. आता मी जीवनाचा सखोल अर्थ समजून घेण्याचा आणि आध्यात्मिक शांती मिळविण्याचा प्रयत्न करत आहे.

हर्षा रिचारियाशी संबंधित नाव

महाकुंभात 'सुंदर साध्वी' म्हणून व्हायरल झालेल्या हर्षा रिचारियासोबत तिचे नाव जोडल्याबद्दल दिजा शर्मा स्पष्टपणे म्हणाली, "मी हर्षा रिचारियाची बहीण नाही आणि मला तिची बहीण व्हायचे देखील नाही. कारण ती एक अभिनेत्री आणि प्रभावशाली आहे. 31 वर्षीय हर्षा रिचारिया ही उत्तराखंडची आहे आणि व्यवसायाने होस्ट आणि अँकर आहे. ती निरंजनी आखाड्याशी संबंधित आहे. तिचे महाकुंभमेळ्याचे व्हिडिओ खूप व्हायरल झाले. त्याच वेळी, महाकुंभात त्यांच्या रथावर बसण्याबाबतचा वाद देखील चर्चेत राहिला. दिजाची ही प्रतिक्रिया सोशल मीडियावर चर्चेचा विषय बनली आहे.