Karwa Chauth 2024 : कधी आहे करवा चौथ?, पूजेसाठी किती आहे वेळ, चंद्र कधी दिसणार, जाणून घ्या सविस्तर

Karwa Chauth 2024 Shubh Muhurat : कार्तिक महिन्याच्या कृष्ण पक्षातील चतुर्थी तिथीला करवा चौथचा उपवास केला जातो. करवा चौथमध्ये निर्जला व्रत, गणेशपूजा आणि चंद्राला अर्घ्य अर्पण करणे या विधींना विशेष महत्त्व असते. या तीन गोष्टींशिवाय करवा चौथ व्रत पूर्ण होत नाही. चंद्राला अर्घ्य अर्पण केल्यावरच पारण करून व्रत पूर्ण होते.

पतीच्या दीर्घायुष्यासाठी महिला करतात उपवास अन् पूजा

करवा चौथ व्रत विवाहित महिला आपल्या पतीच्या दीर्घायुष्यासाठी आणि सुखी वैवाहिक जीवनासाठी करतात. ज्या मुलींचे लग्न ठरले आहे ते देखील हे व्रत पाळतात. यावर्षी करवा चौथच्या पूजेचा शुभ मुहूर्त फक्त 1 तास 16 मिनिटांचा असल्याचे सांगण्यात येत आहे.त्या दिवशी रोहिणी नक्षत्र आणि वृषभ राशीत चंद्र असेल. चला तर जाणून घ्या, करवा चौथचा चंद्र कधी उगवेल, करवा चौथ पूजेचा शुभ मुहूर्त कधी असणार आहे, या सर्व प्रश्नांची उत्तरे आपण जाणून घेणार आहोत.

करवा चौथ कधी...!

पंचांगानुसार यंदा करवा चौथचा उपवास रविवार दि.20 ऑक्टोबर रोजी होणार आहे. यावेळी, कार्तिक कृष्ण चतुर्थीची तारीख 20 ऑक्टोबर रोजी सकाळी 6:46 ते सोमवार, 21 ऑक्टोबर रोजी पहाटे 4:16 पर्यंत असेल. करवा चौथ व्रतासाठी चतुर्थी तिथीला चंद्रोदय होणे आवश्यक आहे.

करवा चौथ पूजा मुहूर्त कधी?

यावेळी करवा चौथ पूजेचा शुभ मुहूर्त 20 ऑक्टोबर रोजी सायंकाळी 5.46 वाजल्यापासून सुरू होतो, जो रात्री 7.02 पर्यंत चालेल. अशाप्रकारे त्या दिवशी उपवास करणाऱ्या महिलांना पूजेसाठी केवळ 1 तास 16 मिनिटांचा शुभ मुहूर्त मिळेल.

चंद्र कधी उगवेल

करवा चौथच्या उपवासाच्या वेळी, उपवास करणाऱ्या महिलांना चंद्र उगवण्याची प्रतीक्षा करावी लागते. कारण कृष्ण पक्षातील चंद्रोदय उशीरा होतो. यावर्षी करवा चौथला चंद्र संध्याकाळी 7.54 वाजता उगवेल. संध्याकाळी 07:54 पासून चंद्राची पूजा आणि अर्घ्य दिले जाईल.

करवा चौथ 2024 शुभ मुहूर्त

• ब्रह्म मुहूर्त: 04:44 AM ते 05:35 AM
• अभिजीत मुहूर्त: 11:43 AM ते 12:28 PM
• संधिप्रकाश मुहूर्त: संध्याकाळी 05:46 ते संध्याकाळी 06:11
• निशिता मुहूर्त: 11:41 PM ते 12:31 AM, 21 ऑक्टोबर

करवा चौथ 2024 चा शुभ चोघडिया मुहूर्त

• शुभ वेळ: संध्याकाळी 05:46 ते संध्याकाळी 07:21
• अमृत-सर्वत्तम मुहूर्त: संध्याकाळी 07:21 ते रात्री 08:56
• चर-समन्या मुहूर्त: रात्री 08:56 ते रात्री 10:31
• लाभ-उन्नती मुहूर्त: 01:41 AM ते 03:16 AM, 21 ऑक्टोबर
• शुभ वेळ: 04:51 AM ते 06:26 AM, 21 ऑक्टोबर