Kalashtami 2025 : कालाष्टमी व्रताची कथा, पूजेची पद्धत, नैवेद्य आणि मंत्र जाणून घ्या

kalashtami 2025 : कालाष्टमीला हिंदू धर्मात विशेष महत्त्व आहे. हा दिवस भगवान शिवाचे उग्र रूप भगवान काल भैरवाला समर्पित आहे. प्रत्येक महिन्याच्या कृष्ण पक्षातील अष्टमी तिथीला कालाष्टमी व्रत केले जाते.

या दिवशी व्रत करून कालभैरवाची उपासना केल्याने जीवनातील सर्व दु:ख दूर होतात आणि भगवंताचा आशीर्वाद प्राप्त होतो असे मानले जाते आणि ती धारणा आहे.

कालाष्टमी पूजा विधी : कालाष्टमीच्या दिवशी कालभैरवाची यथासांग पूजा करावी.

• पहाटे लवकर उठा, अंघोळ करा आणि स्वच्छ कपडे घाला.
• भगवान कालभैरवाची मूर्ती किंवा चित्र पीठावर स्थापित करा.
• देवाला धूप, दिवा, फुले, नैवेद्य, पंचामृत इत्यादी अर्पण करा.
• कालाष्टमीची व्रत कथा ऐका. दिवसभर उपवास ठेवा आणि कालभैरवाचे ध्यान करा.
• संध्याकाळी चंद्र पाहून उपवास सोडावा. पारणासाठी फळे, मिठाई आणि इतर सात्विक पदार्थांचे सेवन करावे.
• या दिवशी दान करण्याचेही विशेष महत्त्व आहे.

कालाष्टमी पूजन आणि व्रताचे नियम

• या दिवशी भगवान कालभैरवाची घरी पूजा करता येते, परंतु शक्य असल्यास शिवमंदिरात जाऊन पूजा करणे अधिक फलदायी मानले जाते.
• देवांना दूध आणि भाकरी अर्पण केल्याने अपार पुण्य प्राप्त होते. रात्री जागरण करणे शुभ मानले जाते.
• या दिवशी मांस, मद्य, कांदा-लसूण असे मांसाहार करू नये.

काल भैरव पूजा मंत्र (Kalashtami 2025 Puja Mantra)

• ॐ भैरवाय नमः
• ॐ कालभैरवाय नमः
• ॐ ह्रीं बटुक भैरवाय नमः
• ॐ भ्रं कालभैरवाय फट

कालाष्टमीचे महत्त्व

कालाष्टमीच्या दिवशी कालभैरवाची पूजा केल्याने नकारात्मक शक्ती नष्ट होतात. या दिवशी केलेल्या उपासनेमुळे भय, रोग आणि शत्रूपासून मुक्ती मिळते. जो व्रत भक्तिभावाने पाळतो, त्याला जीवनाच्या प्रत्येक क्षेत्रात यश मिळते. त्यामुळे ज्याला जीवनातील संकटांपासून मुक्ती मिळवायची असेल, त्याने कालाष्टमीचे व्रत आणि पूजा करावी.

kalashtami 2025, कालाष्टमी- नैवैद्य

• कलाष्टमीला देवाला नैवैद्य म्हणून वेगवेगळे पदार्थ अर्पण करता येतात, यामध्ये खासकरुन मोदक अर्पण केल्याने व्रताची प्रक्रिया शुभ होते.
• उडीद डाळीपासून बनवलेल्या वस्तू कालभैरवाला अर्पण केल्याने शनीचा अशुभ प्रभाव शांत होतो.
• कालाष्टमीला काळ्या तीळ अर्पण करणे आणि दान करणे महत्त्वाचे मानले जाते.
• संपूर्ण नारळ आणि इमरती अर्पण केल्याने काल भैरव प्रसन्न होतात.
• गूळ, दही आणि हलवा अर्पण करणे देखील शुभ मानले जाते.

हेही वाचा : कधी आहे वर्षातील दुसरे सूर्यग्रहण? जाणून घ्या तारीख, वेळ आणि ग्रहणकाळात काय खबरदारी घ्यावी

हेही वाचा : राम नवमी, हनुमान जयंती आणि अक्षय्य तृतीया कधी आहे? एप्रिल महिन्यातील उपवास, सणांची संपूर्ण यादी वाचा