FASTag New Rules: FASTag चे हे नवे नियम आजपासून लागू , येथे जाणून घ्या सर्वकाही

FASTag New Rules: तुमच्याकडे जर चारचाकी गाडी असेल आणि तुम्हाला नेहमीच कामानिमित्त हायवे वरून प्रवास करीत असाल तर ही बातमी तुमच्यासाठी खास महत्वाची आहे. टोलनाक्यावर प्रवाशांना ताटकळत उभे राहावे लागू नये नियमात काही बद्दल करण्यात आला आहे. हे नविन नियम 1 ऑगस्टपासून लागू होतील.

या नविन नियमामध्ये टोल भरण्याची प्रक्रिया सुधारणे आणि टोल बूथवरील गर्दी कमी करणे यावर लक्ष केंद्रित केले जाईल. नवीन फास्टॅग नियमांनुसार, तुमच्या ग्राहकाला जाणून घ्या (KYC) 31 ऑक्टोबरपर्यंत पूर्ण करावे लागेल. फास्टॅग सेवा देणाऱ्या कंपन्यांनी या मुदतीपर्यंत तीन ते पाच वर्षांपूर्वी जारी केलेल्या सर्व फास्टॅगसाठी केवायसी पूर्ण करणे आवश्यक आहे.

नॅशनल पेमेंट कॉर्पोरेशन ऑफ इंडिया (NPCI) ने नवीन मार्गदर्शक तत्त्वे जारी केली आहेत, त्यातील सर्वात महत्त्वाचे अपडेट म्हणजे FASTag KYC ची आवश्यकता. केवायसी प्रक्रिया 1 ऑगस्टपासून सुरू होईल आणि FASTag ग्राहकांनी NPCI मार्गदर्शक तत्त्वांचे पालन करण्यासाठी त्यांचे KYC या कालावधीत अपडेट केले आहे याची खात्री करावी. जाणून घेऊया नवीन नियम सविस्तर...

हे 7 नवीन नियम आहेत:

5 वर्ष जुना फास्टॅग बदलण्यासाठी

5 वर्षांहून जुना फास्टॅग बदलावा लागेल.

3 वर्ष जुन्या फास्टॅगसाठी केवायसी अपडेट:3 वर्षांपूर्वी जारी केलेल्या फास्टॅगसाठी केवायसी अपडेट करणे आवश्यक आहे.

वाहनाचा तपशील लिंक करावे लागेल: वाहन नोंदणी क्रमांक आणि चेसिस क्रमांक FASTag शी लिंक करणे आवश्यक आहे.

नवीन वाहन नोंदणी अपडेट: नवीन वाहन खरेदी केल्यानंतर 90 दिवसांच्या आत नोंदणी क्रमांक अपडेट करा.

डेटाबेस पडताळणी: फास्टॅग पुरवठादारांना त्यांच्या डेटाबेसची पडताळणी करावी लागेल.

फोटो अपलोड करणे आवश्यक आहे: कारच्या पुढील आणि बाजूचे स्पष्ट फोटो अपलोड करा.

मोबाईल नंबर लिंक करणे: फास्टॅग मोबाईल नंबरशी लिंक करणे अनिवार्य आहे.