ईद २०२५ : भारतात ईद उल फित्र ३१ मार्च की १ एप्रिल, कधी आहे? भारतासह इतर देशातील चंद्रदर्शनाच्या वेळा

भारतातील मुस्लिम बांधव ज्याची आतुरतेने वाट पाहत आहेत, तो ईदचा सण काही दिवसांवर येऊन ठेपला आहे. रमजानच्या पवित्र महिन्याच्या समाप्तीचे प्रतीक म्हणून हा सण जगभर मोठ्या उत्साहात साजरा केला जातो. जगभरातील लाखो मुस्लिम ईदच्या आगमनाची आतुरतेने वाट पाहत आहेत. इस्लामिक कॅलेंडरमध्ये ईद-उल-फित्रला सर्वात जास्त महत्त्व आहे. 'उपवास सोडण्याचा सण' म्हणूनही हा सण ओळखला जातो. यावर्षी ईद कधी साजरी केली जाणार, ईदच्या चंद्राची वेळ काय असणार हेच आपण आज पाहणार आहोत.

कधी साजरा होतो सण?

३० मार्च रोजी संध्याकाळी मगरिबच्या नमाजानंतर चंद्र दिसल्यास ३१ मार्च रोजी ईद साजरी केली जाईल. जर चंद्रकोर किंवा अमावस्या दिसली तर रमजान ३० दिवस चालेल, त्यामुळे ईद १ एप्रिल २०२५ पर्यंत पुढे ढकलली जाईल. महिनाभराच्या उपवासानंतरचा पहिला दिवस असल्याने ईद हा उत्सव, नवीन कपडे, शुभेच्छा आणि मभेटवस्तू देऊन साजरा केला जातो. तथापि, ईद उल-फित्रची तारीख पूर्णपणे अमावस्येच्या दर्शनावर अवलंबून असते.

भारतात कधी साजरा होणार?

पारंपारिकपणे मध्य पूर्व आणि पश्चिमेकडील राष्ट्रांमधील मुस्लिमांपेक्षा एक दिवस उशिरा रमजान सुरू होत असल्याने, भारत, पाकिस्तान आणि बांगलादेश सारखे दक्षिण आशियाई देश ३० मार्च २०२५ रोजी चंद्रकोर पाहण्याची तयारी करतील. जो १४४६ हिजरीतील रमजानचा २९ वा दिवस असणार आहे.

पश्चिम देशात कधी साजरा होणार?

रमजान १४४६ हिजरी च्या २९ व्या दिवशी संध्याकाळी, अमेरिका, युनायटेड किंग्डम, फ्रान्स आणि जर्मनी सारखे पाश्चात्य देश तसेच सौदी अरेबिया, संयुक्त अरब अमिराती, कतार आणि कुवेत सारखे मध्य पूर्वेतील देश पारंपारिक चंद्रदर्शन कार्यक्रमाची तयारी करतील. २९ मार्च २०२५ रोजी मगरिबच्या नमाजानंतर, सौदी सर्वोच्च न्यायालय आणि मध्य पूर्व आणि पश्चिम चंद्रदर्शन समित्या ईद-उल-फित्रने सुरू होणाऱ्या शव्वालच्या चंद्रकोराचा शोध घेतील.