तिरुअनंतपुरम महापालिकेतील 40 वर्षांचा डाव्यांचा बालेकिल्ला BJPकडून उद्ध्वस्त! PM मोदींची खास पोस्ट!

PM Modi on BJP Wins Thiruvananthapuram : केरळच्या राजकारणात एका मोठ्या उलथापालथीची नोंद झाली आहे. नुकत्याच झालेल्या स्थानिक स्वराज्य संस्थांच्या निवडणुकीत भारतीय जनता पक्षाने (BJP) तिरुअनंतपुरम महानगरपालिकेत ऐतिहासिक विजय मिळवला आहे.

विशेष म्हणजे, तिरुअनंतपुरम शहर गेल्या 4 दशकांपासून डाव्या लोकशाही आघाडीचा (LDF) अभेद्य बालेकिल्ला म्हणून ओळखला जात असे, जो भाजपने मोडून काढत तिथे 'भगवा झेंडा' फडकवला आहे. केरळमध्ये लवकरच होणाऱ्या विधानसभा निवडणुकीपूर्वी भाजपच्या या दमदार कामगिरीमुळे राज्यात राजकीय वादळ निर्माण झाले आहे.

पंतप्रधान मोदींकडून विजयाबद्दल अभिनंदन आणि आभार

या ऐतिहासिक विजयानंतर पंतप्रधान नरेंद्र मोदी यांनी भाजप आणि एनडीएच्या कार्यकर्त्यांचे आणि केरळच्या जनतेचे आभार मानले आहेत. त्यांनी शनिवारी (१३ डिसेंबर २०२५) सोशल मीडिया प्लॅटफॉर्म 'X' वर पोस्ट करून आपला आनंद व्यक्त केला.

My gratitude to the people across Kerala who voted for BJP and NDA candidates in the local body polls in the state. Kerala is fed up of UDF and LDF. They see NDA as the only option that can deliver on good governance and build a #VikasitaKeralam with opportunities for all.

— Narendra Modi (@narendramodi) December 13, 2025

पंतप्रधान मोदी काय म्हणाले?

पीएम मोदी म्हणाले की, "स्थानिक स्वराज्य संस्थांच्या निवडणुकीत भाजप आणि एनडीए उमेदवारांना मतदान करणाऱ्या केरळमधील सर्व जनतेचे मी आभार मानतो. "केरळ यूडीएफ आणि एलडीएफला कंटाळले आहे. राज्यातील जनता आता एनडीएला एकमेव पर्याय म्हणून पाहते जो सुशासन प्रदान करू शकतो आणि सर्वांसाठी संधींनी परिपूर्ण विकसित केरळ निर्माण करू शकतो."

Thank you Thiruvananthapuram!

The mandate the BJP-NDA got in the Thiruvananthapuram Corporation is a watershed moment in Kerala’s politics.

The people are certain that the development aspirations of the state can only be addressed by our Party.

Our Party will work towards…

— Narendra Modi (@narendramodi) December 13, 2025

तिरुअनंतपुरमचा जनादेश

दुसऱ्या एका पोस्टमध्ये त्यांनी तिरुअनंतपुरमच्या जनतेचे विशेष आभार मानले. "धन्यवाद तिरुवनंतपुरम! तिरुवनंतपुरम महानगरपालिकेत भाजप-एनडीएला मिळालेला जनादेश केरळच्या राजकारणातील एक ऐतिहासिक वळण आहे."

विकासाचे आश्वासन

पंतप्रधान म्हणाले, "लोकांना पूर्ण विश्वास आहे की केवळ आमचा पक्षच राज्याच्या विकासाच्या आकांक्षा पूर्ण करू शकतो. आमचा पक्ष या चैतन्यशील शहराचा विकास करण्यासाठी आणि लोकांसाठी राहणीमान सुलभ करण्यासाठी परिश्रमपूर्वक काम करेल.

ते म्हणाले की, "तिरुवनंतपुरम महानगरपालिकेत शानदार निवडणूक निकाल मिळवण्यासाठी लोकांमध्ये काम करणाऱ्या सर्व मेहनती भाजप कार्यकर्त्यांचे मी आभार आणि अभिनंदन करतो. केरळमध्ये पिढ्यानपिढ्या तळागाळात काम करणाऱ्या कामगारांच्या कठोर परिश्रम आणि संघर्षाचे स्मरण करण्याचा आजचा दिवस आहे आणि त्यांच्यामुळेच हा निकाल शक्य झाला आहे. आमचे कार्यकर्ते ही आमची ताकद आहेत आणि आम्हाला त्यांचा अभिमान आहे."

केरळ विधानसभा निवडणुकीच्या दृष्टीने विजय महत्त्वाचा!

भाजपचा हा विजय केवळ स्थानिक निवडणूक निकाल नसून, तो आगामी केरळ विधानसभा निवडणुकीच्या दृष्टीने पक्षाला मोठे नैतिक बळ देणारा आणि राज्याच्या राजकीय भूगोलात महत्त्वपूर्ण बदल दर्शवणारा मानला जात आहे