देशभरात डेंग्यूसोबत चिकनगुनियाचेही रुग्ण वाढले, बचावासाठी घ्या ही काळजी

Health News : डेंग्यूसोबतच चिकनगुनियाचे रुग्णही देशभरात झपाट्याने वाढत आहेत. महाराष्ट्रासह अनेक राज्यात रुग्णांची संख्या वाढली आहे. पुण्यात सप्टेंबर महिन्यात चिकनगुनियाचे ९० हून अधिक रुग्ण आढळून आले आहेत. डासांमुळे पसरणाऱ्या तापाचा परिणाम पुण्यासह मुंबईसह अन्य शहरांमध्येही दिसून येत आहे. दिल्लीतही डासांमुळे होणाऱ्या आजारांची संख्या वाढत आहे. दिल्लीत डेंग्यूमुळे एका रुग्णाचा मृत्यू झाला आहे. तर गेल्या दोन आठवड्यांत चिकुनगुनियाच्या रुग्णांमध्येही वाढ झाली आहे.

डाॅक्टर्स सांगतात की, यावेळी डेंग्यूसोबतच चिकनगुनियाचे रुग्णही वाढले असून, ताप, सांधेदुखीच्या तक्रारी घेऊन लोक रुग्णालयात येत आहेत. वेळेवर उपचार मिळाल्याने ताप बरा होत असला तरी लोकांनी पूर्ण खबरदारी घेणे आवश्यक आहे तसेच डासांपासून दूर राहणे आवश्यक आहे. आपल्या घराभोवती स्वच्छतेची विशेष काळजी घ्या आणि डासांची पैदास होऊ देऊ नका. डास चावल्यामुळे होणारा हा ताप डेंग्यूसारखाच असतो, त्यामुळे लोक क्वचितच तो आणि डेंग्यूमध्ये फरक करू शकतात. पण हे दोन्ही ताप रक्त तपासणीच्या मदतीने ओळखता येतात. तसेच पावसाळ्यात येणारा कोणताही ताप हलकासा घेऊ नये कारण लक्षणे वाढली तर रुग्णाचा जीव वाचवणेही कठीण होऊन बसते.

डेंग्यू आणि चिकनगुनियामधील फरक

- चिकुनगुनियाच्या रुग्णांमध्ये सांधेदुखीचे प्रमाण अधिक असते, तर डेंग्यूच्या गंभीर रुग्णांमध्ये रक्तस्त्राव आणि श्वास घेण्यास त्रास होतो.

- चिकुनगुनियाच्या रुग्णांमध्ये चेहरा, तळवे, पाय यासह संपूर्ण शरीरावर पुरळ उठू लागतात, तर डेंग्यूमध्ये फक्त चेहरा आणि हातपायांवर पुरळ उठतात.

- डेंग्यूमध्ये, रुग्णाच्या प्लेटलेटची संख्या कमी असल्याने, रुग्णाला अधिक अशक्तपणा जाणवतो, तर चिकनगुनियामध्ये, प्लेटलेटची संख्या कमी होत नाही.

- डेंग्यूच्या गंभीर प्रकरणामुळे, एखाद्या व्यक्तीचा जीव देखील जाऊ शकतो परंतु चिकनगुनियामध्ये त्याचे प्रमाण कमी आहे.

चिकनगुनिया कसा ओळखावा

डेंग्यूप्रमाणेच चिकुनगुनिया देखील डास चावल्याने होतो. ज्यामध्ये प्रथम व्यक्ती तापाची तक्रार करते

- यामध्ये सर्वप्रथम सांधे आणि स्नायूंमध्ये तीव्र वेदना जाणवतात.

- याशिवाय डोकेदुखी, थकवा, अंगावर पुरळ उठणे, मळमळ आणि डोळे लाल होणे ही लक्षणे दिसतात.

- चिकनगुनियासाठी आयजीएम चिकनगुनिया टेस्ट केली जाते.

बचावासाठी काय करावे

चिकुनगुनिया ताप देखील धोकादायक ठरू शकतो आणि त्याचे दीर्घकालीन परिणाम होऊ शकतात, त्यामुळे ते टाळण्यासाठी खबरदारी घ्या.

- तुमच्या आजूबाजूला पाणी साचू देऊ नका.

- डास मारण्यासाठी रॉकेल आणि औषधाचा वापर करा.

- आजूबाजूला स्वच्छतेची विशेष काळजी घ्या.

- पूर्ण बाही आणि झाकलेले कपडे घाला.

- संध्याकाळी मुलांना बाहेर खेळायला पाठवू नका.

- जर तुम्हाला बाहेर जायचे असेल तर बाहेर जाण्यापूर्वी मॉस्किटो रिपेलेंट क्रीम लावा.

- ताप आल्यास रक्त तपासणी करून घ्यावी.

- कोणतीही लक्षणे दिसू लागल्यास पूर्ण उपचार घ्या, निष्काळजीपणा नका.

- शरीरात पाण्याची कमतरता भासू देऊ नका. दररोज 2-3 लिटर पाणी प्या.