तबलास्टार नव्हे हे होतं झाकीर यांचं स्वप्न,ज्यासाठी ते परदेशात गेले होते, ते कायमचं अधुरे राहिलं

Zakir Hussain: जेव्हा आपण तबल्याचा विचार करतो तेव्हा आपल्या मनात पहिले नाव येते ते म्हणजे झाकीर हुसेन यांचे. या संगीतकाराने आपल्या कारकिर्दीत भारतीय संगीताला जग भरात ओळख करुन दिली. पण 16 डिसेंबरच्या सकाळी झाकीर हुसेन यांचे निधन झाले आणि आता त्यांच्या तबल्याचा सूर ऐकू येणार नाही.

झाकीर हुसेनच्या मृत्यूनंतर सर्वत्र फक्त त्याचीच चर्चा होत आहे. सोशल मीडियावरही लोक त्यांना अखेरचा निरोप देत आहेत. पण झाकीर हुसेन देखील वेगळ्या संगीत कारकिर्दीचा विचार करत होते, हे तुम्हाला माहीत आहे का? एका मुलाखतीत झाकीर यांनी सांगितले होते की, त्यांना रॉक-एन-रोल स्टार बनायचे होते आणि म्हणूनच ते अमेरिकेला गेले होते.

झाकीर हुसेन यांनी सिमी ग्रेवालच्या शो 'रेंडेझव्हस'मध्ये याचा खुलासा केला होता. ते म्हणाला होते की, "मला जीन्स घालायची होती, रॉक-एन-रोल स्टार व्हायचे होते आणि उद्याच एक दशलक्ष डॉलर्स कमवायचे होते. प्रत्येकजण त्या मार्गावर होता. मी मुंबईच्या रस्त्यांवर बूमबॉक्स, द डोअर्स घेऊन फिरायचो. डोर्स आणि बीटल्सला ऐकत विचार करायचो की, हा झटपट पैसा आणि प्रसिद्धी मिळवण्याचा हा एकमेव मार्ग आहे."

पण जेव्हा अमेरिकेत पोहोचलो तेव्हा समजले की, आपले स्वप्न पूर्ण करणे इतके सोपे नाही. झाकीर म्हणाले की, "त्यावेळी मी खूप परेशान होतो. मी आठवड्याला 25 डॉलर खर्च होता. त्यावेळी एक भाजी करी बनवत ती रोटीबरोबर खात होतो. माझ्यासाठी तो काळ खूप कठीण होता."

झाकीर हुसेन यांची अँटोनिया मिनिकालाही या शोमध्ये उपस्थित होती. त्यांनी झाकीर यांना भारतीय शास्त्रीय संगीताच्या दिग्दर्शनात करिअर करण्याचा सल्ला दिल्याचे सांगितले होते. ते म्हणाले, "हे प्रत्येकाचे स्वप्न होते, पण जेव्हा मी स्वत: भारतीय शास्त्रीय संगीताचा अनुभव घेतला आणि निखिल बॅनर्जीसोबत त्यांना पहिल्यांदा वाजवताना ऐकले तेव्हा मी त्यांना म्हणालो, 'तू हे संगीत का वाजवत आहेस? तू एक उत्तम शास्त्रीय कलाकार आहेस. होय, तुम्ही हेच केले पाहिजे!' त्यावेळी झाकीर हुसेन हसत हसत म्हणाले की, "मी फक्त ते अनुभवत होतो."

झाकीर हुसेन यांच्या निधनाची घोषणा त्यांच्या कुटुंबीयांनी रविवारी केली. झाकीर हुसेन यांचा मृत्यू इडिओपॅथिक पल्मोनरी फायब्रोसिस नावाच्या आजारामुळे झाला. जो फुफ्फुसांवर परिणाम करणारा गंभीर आजार आहे, असे कुटुंबाने निवेदन जारी केले. त्यांना दोन आठवडे रुग्णालयात दाखल करण्यात आलं. मात्र सर्व प्रयत्न करूनही त्यांचा जीव वाचू शकला नाही. सध्या झाकीर यांच्या मृत्यूमुळे त्याच्या कुटुंबीयांना मोठा धक्का बसला आहे.