शाहरुख-सलमानला मागे टाकत 'वॉर 2' मध्ये 'या' अभिनेत्याचा कॅमिओ, नाव ऐकून तुम्हीही ओरडाल...

१४ ऑगस्ट रोजी दोन मोठे चित्रपट एकाच दिवशी प्रदर्शित होणार आहेत. रजनीकांत यांचा 'कूली' आणि हृतिक रोशनचा 'वॉर 2' हे दोन्ही चित्रपट याच दिवशी चित्रपटगृहात येत आहेत. दोन्ही चित्रपटांची जबरदस्त क्रेझ आहे. 'वॉर 2' मध्ये हृतिक रोशनसोबत कियारा आडवाणी आणि ज्युनियर एनटीआर दिसणार आहेत. चित्रपटाशी संबंधित नवीन माहिती सतत समोर येत आहे.

'वॉर 2' हा यशराज फिल्म्सच्या 'स्पाय युनिव्हर्स'चा एक भाग आहे. त्यामुळे यातही 'स्पाय युनिव्हर्स'च्या पात्रांचे क्रॉसओवर पाहायला मिळणार आहे, जसे 'पठाण'मध्ये सलमान खानचा 'टायगर' हा कॅरेक्टर दिसला होता. त्याचप्रमाणे 'वॉर 2' मध्येही असेच काहीतरी घडणार आहे. याआधी सलमान, शाहरुख किंवा आलिया (अल्फा) यांच्या पात्राचा क्रॉसओवर होऊ शकतो अशी चर्चा होती. पण 'वॉर 2' मध्ये कोणता कलाकार दिसणार आहे याची माहिती आम्ही तुम्हाला देत आहोत.

'बॉलिवूड हंगामा'च्या रिपोर्टनुसार, या चित्रपटात सलमान खान किंवा शाहरुख खान नाही, तर बॉबी देओल एक दमदार कॅमिओ करताना दिसणार आहे. कारण बॉबी देओलही आता 'स्पाय युनिव्हर्स'चा भाग आहे. तो आलिया भट्ट आणि शर्वरी वाघ यांच्या 'अल्फा' या चित्रपटात खलनायकाच्या भूमिकेत दिसणार आहे. त्यामुळेच निर्मात्यांनी त्याचा क्रॉसओवर करण्याचा निर्णय घेतला आहे. यामुळे 'अल्फा' चित्रपटाची मूळ कथाही समोर येईल आणि चित्रपटाची चर्चा सुरू होईल. 'वॉर 2' चे बजेट २०० कोटी रुपये असल्याचे सांगितले जात आहे. याचे दिग्दर्शन अयान मुखर्जी करत आहेत. 'ब्रह्मास्त्र' नंतर त्यांचा हा दुसरा मोठा चित्रपट आहे.

'वॉर 2' ने आतापर्यंत ९,२९५ तिकिटांच्या विक्रीतून ३४.३४ लाख रुपयांची कमाई केली आहे. हिंदी २डी फॉरमॅटमधून ३१.३ लाख रुपये, तर तमिळ आणि तेलुगु व्हर्जनमधून अनुक्रमे १.३३ लाख आणि ७२,१८० रुपयांची कमाई झाली आहे. हिंदी आयमॅक्स २डी फॉरमॅटमधून केवळ ९७ तिकिटांनी ८७,३६० रुपयांची कमाई केली आहे. मात्र, चित्रपट प्रदर्शित व्हायला अजून ३ दिवस बाकी आहेत.