विजयच्या आयुष्यात तिसऱ्या व्यक्तीची एन्ट्री? घटस्फोट घेणार ! दाक्षिण्यात चित्रपटसृष्टी हादरली

दक्षिण भारतीय चित्रपटसृष्टीतील सुपरस्टार थलपती विजय सध्या त्याच्या व्यावसायिक यशापेक्षा वैयक्तिक आयुष्यामुळे चर्चेत आला आहे. विजय आणि त्याची पत्नी संगीता सोरनालिंगम यांचा तब्बल २७ वर्षांचा सुखाचा संसार आता मोडकळीस आल्याच्या बातम्या सोशल मीडियावर वाऱ्यासारख्या पसरत आहेत. चेन्नईतील चेंगलपट्टू फॅमिली कोर्टात संगीता यांनी घटस्फोटासाठी अर्ज दाखल केल्याचा दावा काही मीडिया रिपोर्ट्समध्ये करण्यात आला आहे.

एका चाहतीचा सुपरस्टारपर्यंतचा प्रवास

संगीता आणि विजय यांची प्रेमकहाणी एखाद्या रोमँटिक तमिळ चित्रपटाच्या कथेसारखीच आहे. संगीता या मूळच्या श्रीलंकेतील एका तमिळ उद्योगपतीची कन्या आहेत, परंतु त्या लंडनमध्ये स्थायिक होत्या. १९९६ मध्ये विजयचा 'पूवे उनक्कागा' हा चित्रपट प्रदर्शित झाला होता. या चित्रपटातील विजयचा अभिनय पाहून संगीता इतक्या प्रभावित झाल्या की, त्यांना विजयला प्रत्यक्ष भेटण्याची इच्छा झाली. केवळ एका भेटीसाठी त्या लंडनहून चेन्नईला आल्या होत्या.

चित्रपटाच्या सेटवर जेव्हा त्यांची पहिली भेट झाली, तेव्हा विजयलाही संगीता यांचा साधेपणा आवडला. हळूहळू या ओळखीचे रूपांतर मैत्रीत आणि नंतर प्रेमात झाले. दोन्ही कुटुंबांच्या संमतीने २५ ऑगस्ट १९९९ रोजी त्यांनी मोठ्या थाटामाटात लग्न केले.

घटस्फोटाच्या चर्चांना उधाण येण्याची कारणे

गेल्या काही महिन्यांपासून विजय आणि संगीता यांच्यात सर्व काही आलबेल नसल्याच्या चर्चा सुरू होत्या. या चर्चांना उधाण येण्याची कारणे खालीलप्रमाणे.

• चित्रपटांचे कार्यक्रम: विजयच्या मागील काही चित्रपटांच्या ऑडिओ लाँच आणि यशोत्सवाच्या कार्यक्रमांना संगीता अनुपस्थित होत्या. एरवी त्या प्रत्येक महत्त्वाच्या कार्यक्रमात विजयसोबत असायच्या.
• कौटुंबिक सोहळे: दिग्दर्शक अॅटलीच्या पत्नीच्या डोहाळे जेवणाच्या कार्यक्रमात विजय एकटाच दिसला होता, ज्यामुळे चाहत्यांच्या मनात शंकेची पाल चुकचुकली.
• विवाहबाह्य संबंधांचे आरोप: काही रिपोर्ट्सनुसार, विजयचे एका सह-अभिनेत्रीसोबत असलेले कथित संबंध संगीता यांच्या संतापला कारणीभूत ठरले आहेत. जरी या अफवा असल्या तरी, यामुळे त्यांच्या नात्यात दुरावा निर्माण झाल्याचे बोलले जात आहे.

मुले आणि भविष्य

या जोडप्याला जेसन संजय हा मुलगा आणि दिव्या साशा ही मुलगी आहे. जेसन सध्या चित्रपट निर्मितीच्या क्षेत्रात आपले नशीब आजमावत असून त्याने परदेशातून शिक्षण पूर्ण केले आहे. तर दिव्याने 'तेरी' चित्रपटात छोटी भूमिका साकारली होती. आपल्या मुलांच्या भविष्यासाठी हे जोडपे एकत्र येईल अशी आशा चाहत्यांना होती, पण आता परिस्थिती वेगळी दिसत आहे.

चाहत्यांची अस्वस्थता

थलपती विजय सध्या आपल्या अभिनय कारकिर्दीच्या सर्वोच्च शिखरावर आहे आणि तो राजकारणातही पूर्णवेळ सक्रिय आहे. अशा महत्त्वाच्या वळणावर वैयक्तिक आयुष्यातील हे वादळ त्याच्या प्रतिमेवर काय परिणाम करेल, याबद्दल त्याचे चाहते चिंतेत आहेत. सोशल मीडियावर #ThalapathyVijay आणि #Sangeetha असे हॅशटॅग ट्रेंड होत असून, अनेकांनी ही बातमी खोटी असावी अशी इच्छा व्यक्त केली आहे.

अद्याप विजय किंवा संगीता यांच्याकडून यावर कोणतेही अधिकृत स्पष्टीकरण आलेले नाही. त्यामुळे हा केवळ अफवांचा भाग आहे की खरोखरच एका मोठ्या लव्ह स्टोरीचा शेवट होणार, हे येणारा काळच ठरवेल.