गोविंदा अन् डेव्हिड धवनमध्ये का झाले होते भांडण? अनेक वर्षानंतर पत्नी सुनीताने सांगितले सत्य

Govinda David Dhawan Fight : गोविंदा आणि डेव्हिड धवन ही बॉलिवूडमधील सर्वात हिट जोडी होती. या दोघांनी अनेक चित्रपटांमध्ये एकत्र काम केले जे त्या काळात सुपरहिटही ठरले. मात्र नंतर दोघांमध्ये टोकाचा वाद झाला. दरम्यान, अनेक वर्षानंतर गोविंदाच्या पत्नी सुनीता यांनी गोविंदा आणि धवन यांच्यातील वादाचे मुख्य कारण सांगितले.

90 च्या दशकात गोविंदा आणि डेव्हिड धवन यांनी एकत्र काम केलेला कोणताही चित्रपट सुपरहिट ठरायचा. या दोघांच्या जोडीने बॉलिवूडमध्ये चांगलीच खळबळ उडवून दिली होती. पण एक वेळ अशी आली की दोघेही कायमचे वेगळे झाले. आता सुनीता आहुजाने सांगितले की त्यांच्यात नेमका काय वाद झाला होता.

'टाइमआउट विथ अंकित' या पॉडकास्टमध्ये सुनीता आहुजाने गोविंदा आणि डेव्हिड धवन का वेगळे झाले हे सांगितले. गोविंदाची कारकीर्द शिगेला पोहोचली होती आणि डेव्हिड धवनने अभिनेत्याला दुय्यम भूमिका करायला सांगितल्याचा काळ त्याने आठवला.

सुनीता आहुजा म्हणाल्या, 'मला वाटतं नायकाला त्याची वेळ कधी संपली हे कळलं पाहिजे. 90 च्या दशकात तुम्ही टॉप स्टार होता, पण आजही तुम्हाला 90 च्या दशकातील गोष्टी जगायच्या असतील तर असे चालणार नाही. तू अमिताभ बच्चन आणि अक्षय कुमार यांच्यासारख्या दुय्यम भूमिका कर, असे डेव्हिडने गोविंदाला सांगितले. जर तुम्हाला जास्त काळ इंडस्ट्रीत राहायचे असेल तर.

सुनीता पुढे म्हणाल्या, 'समस्या ही आहे की तुमच्या आजूबाजूला अनेक नकारात्मक लोक आहेत. ते सतत विषाने भरण्याचा प्रयत्न करतात. हा विचार मनात रुंजी घालत असतो की जर तुम्ही हिरो असाल तर दुय्यम भूमिका कशाला करायच्या. पण मला वाटतं तुम्हाला ट्रेंड बरोबरच पुढे जावं लागेल. कदाचित याच कारणामुळे गोविंदाला हे आवडले नाही आणि त्यांच्यात मतभेद झाले. मला वाटत नाही की डेव्हिड त्याच्या भूमिकेत चुकीचा होता. गोविंदाही त्याच्या जागी बरोबर होता, अशाही त्या म्हणाल्या.