Sikandar BO Day 2: सलमान खानच्या चित्रपटाने दुसऱ्या दिवशी केली एवढी कमाई

Sikandar Box Office collection Day 2: सलमान खानचा सिकंदर चित्रपट प्रदर्शित होऊन दोन दिवस झाले आहेत. ईदला प्रदर्शित झालेल्या या चित्रपटाला प्रेक्षकांनी खूप प्रेम दिले. पहिल्या दिवशी हा चित्रपट बंपर कमाई करेल अशी सर्वांना अपेक्षा होती. चित्रपटाने पहिल्या दिवशी 30 कोटी रुपये कमावले आहेत. सिंकदर चित्रपट पहिल्या दिवशी 22-25 कोटी रुपये कमवेल, असा अंदाज ट्रेंड तज्ञांनी वर्तवला होता.

ट्रेड साइट सॅकनिल्कच्या रिपोर्टनुसार, दुसऱ्या दिवशी बॉक्स ऑफिसवर चित्रपटाच्या कमाईच्या बाबतीत घसरण झाली आहे. दुसऱ्या दिवशी चित्रपटाने 29 कोटी रुपये कमावले आहेत. या चित्रपटाने पहिल्या दिवशी 30 कोटी रुपये कमावले होते. या संदर्भात दोन दिवसांत चित्रपटाचे एकूण कलेक्शन 59 कोटी रुपयांवर पोहोचले आहे.

काल बुक माय शोने वृत्त दिले की सिकंदरने थिएटरमध्ये आपली छाप पाडण्यास सुरुवात केली आहे. जयपूरपासून दिल्लीपर्यंत, बिहारपासून आग्रापर्यंत, थिएटरमधील शो हाऊसफुल्ल होण्याच्या मार्गावर आहेत.

दरम्यानन आजच्या चित्रपटाच्या कलेक्शन बाबत हे काही प्रमाणात खरे असल्याचे दिसते. आजकाल चित्रपटांसाठी ब्लॉक आणि कॉर्पोरेट बुकिंग देखील होत आहेत. ज्यामुळे चित्रपटांच्या आकडेवारीत मोठी वाढ होते. सिकंदर चित्रपटाची कमी कमाई होण्याचे कारण चित्रपट लीक असल्याचे सांगितले जात आहे. ट्रेंड विश्लेषक कोमल नाहटा यांनी सांगितले होते की, हा चित्रपट प्रदर्शित होण्याच्या काही काळापूर्वीच सुमारे 6000 पायरसी साइट्सवर लीक झाला होता. निर्मात्यांनी ते अनेक साइटवरून हटवण्याचा प्रयत्न केला. पण तरीही नुकसान नियंत्रित करता आले नाही.

सध्या तरी चित्रपटाला माउथ पब्लिसीटीचा फायदा मिळेल असे मानले जात आहे. जर सिकंदर फ्लॉप झाला तर सलमान खानच्या स्टारडमवरही प्रश्नचिन्ह उपस्थित होऊ शकते. कारण त्याच्या मागील चित्रपटांनी पैसे कमवले असले तरी ते हिट आणि ब्लॉकबस्टरच्या श्रेणीत येऊ शकलेले नाहीत. या चित्रपटात सलमान खानसोबत रश्मिका मंदान्ना, शर्मन जोशी, सत्यराज, प्रतीक बब्बर आणि काजल अग्रवाल आहेत. याचे दिग्दर्शन ए.आर. मुरुगादोस यांनी केले आहे.