कोण आहे श्रद्धा कपूरचा बाँयफ्रेंड..? ज्याच्यासाठी ती अगदी मेकअप करुन लग्नाला पोहोचली

अभिनेत्री श्रद्धा कपूर सोशल मीडियावर खूप सक्रिय असते. तिचे चाहतेही तिच्या पोस्टची आतुरतेने वाट पाहत असतात. अलीकडेच तिने इंस्टाग्रामवर एक पोस्ट शेअर केली. ज्यामध्ये ती एका लग्न समारंभाला उपस्थित राहताना दिसत आहे. फोटोंमध्ये ती पाणीपुरी खाताना दिसत आहे. या फंक्शनचे आणखी काही फोटो समोर आले आहेत. हे पाहून श्रद्धा तिचा कथित प्रियकर राहुल मोदीसोबत या लग्नाला उपस्थित राहिल्याचे समोर आले आहे.

कोण आहे श्रद्धाचा बाँयफ्रेंड

पटकथा लेखक राहुल मोदी यांच्यासोबत श्रद्धा कपूरचे अफेअर असल्याच्या चर्चा गेल्या अनेक दिवसांपासून सुरु आहेत. या दोघांनाही अनेक वेळा एकत्र पाहिले गेले आहे. आता पुन्हा एकदा दोघेही एका लग्न समारंभात एकत्र दिसले. श्रद्धा कपूर आणि राहुल मोदी एकत्र पोज देताना दिसत आहेत. दोघेही स्टेजवर वधू-वरांसोबत पोज देताना दिसले. श्रद्धा कपूर सोनेरी रंगाच्या पोशाखात खूपच सुंदर दिसत होती.

View this post on Instagram

A post shared by Shraddha ✶ (@shraddhakapoor)

फाँलोअर्सच्या प्रश्नांना दिली उत्तरे

श्रद्धाने शेअर केलेल्या पोस्टवर युजर्सनी तिला मजेदार प्रश्न विचारले आहेत. श्रद्धानेही याचे उत्तर रंजक पद्धतीने दिले आहे. तिने फोटोंसोबत कॅप्शन लिहिले आहे, 'मी मोजायला विसरलो, मग मला आठवले की लग्नांमध्ये अमर्याद पाणीपुरी असते'. यावर एका वापरकर्त्याने विचारले, 'तुम्हाला सर्वात जास्त काय आवडले?' यावर अभिनेत्रीने उत्तर दिले, 'मी पहिल्यांदाच छेना दही वडा खाल्ला आणि माझे आयुष्य बदलले.' एका वापरकर्त्याने विचारले, 'चौथा फोटो कोणी काढला', श्रद्धाने लिहिले, 'आणखी कोण?'. याशिवाय, एका वापरकर्त्याने विचारले, 'आपण पार्टी कधी करू?' यावर श्रद्धाने लिहिले की, 'मी जेव्हा जेव्हा पार्टीसाठी पाणीपुरी आणते तेव्हा मी ती स्वतः पूर्ण करते'.

अनेक चित्रपट रिलीजच्या प्रतिक्षेत

श्रद्धा कपूरने २०१० मध्ये तीन पत्ती या चित्रपटातून बाँलीवूडमध्ये पाऊल टाकले होते. या चित्रपटात सुपरस्टार अमिताभ बच्चनही होते. हा चित्रपट बाँक्स ऑफिसवर प्लाँप ठरला. त्यानंतर श्रद्धाने लव का दी एंडमध्ये आपल्या अभियनाची चूणुक दाखवली होती. २०१३ मध्ये आलेल्या आशिकी-२ मधून श्रद्धाचे चांगले नाव झाले. हा चित्रपट बाँक्स ऑफिसवरही चांगला चालला. या चित्रपटानेच खरं तर श्रद्धा कपूरला हिरोईन म्हणून ओळख दिली. त्यानंतर श्रद्धाने २०२४ मध्येही एक हिट चित्रपट दिला. आता यावर्षीही श्रद्धाने अनेक चित्रपट प्रदर्शनाच्या तयारीत आहेत.