'हम आपके बिना'... 'सिकंदर'चे नवीन गाणे रिलीज, पहा सलमान खान-रश्मिका मंदानाची केमिस्ट्री

Sikandar: बॉलिवूडचा भाईजान सलमान खान त्यांच्या सिकंदर चित्रपटामुळे चर्चेत आहे. हा चित्रपट 30 मार्च रोजी प्रदर्शित होणार आहे. चित्रपटाचे अॅडव्हान्स बुकिंगही सुरू झाले आहे. ज्याला प्रेक्षकांचा चांगला प्रतिसाद मिळत आहे. या पार्श्वभूमीवर एआर मुरुगदास दिग्दर्शित 'सिकंदर' चित्रपटातील 'हम आपके बिना' हे नवीन गाणे आता रिलीज झाले आहे.

या गाण्यात सलमान खान आणि रश्मिका मंदान्नाची सुंदर केमिस्ट्रीसह प्रेम आणि रोमान्सची झलक दिसतेय. हा चित्रपट या रविवारी थिएटरमध्ये प्रदर्शित होण्यास सज्ज झाला आहे. 'जोहरा जबीन', 'बम बम भोले' आणि 'सिकंदर नाचे' नंतर, आता 'हम आपके बिना' हे सुंदर गाणं प्रदर्शित झाले आहे. या गाण्यात सलमान खान आणि रश्मिका मंदान्ना यांची जोडी छान दिसत आहे. त्यांची केमिस्ट्री पाहण्यासारखी आहे. त्याच वेळी गाण्याची मांडणी आणि सेटअप त्याला आणखी खास बनवत आहे, जे त्याच्या सुरांशी अगदी जुळता आहे.

अरिजीत सिंगचा मधुर आवाज, प्रीतमचे हृदयस्पर्शी संगीत आणि समीरच्या सुंदर शब्दांने 'हम आपके बिना' हे गाणे प्रत्येक हृदयाला स्पर्श करणारे बनले आहे. हे गाणे प्रेम आणि भावनांनी भरलेले आहे, जे 'सिकंदर' चित्रपटाची उत्सुकता वाढवत आहे. तर या रविवारी मोठ्या पडद्यावर सलमान आणि रश्मिकाच्या जोडीची जादू पाहण्यासाठी सज्ज व्हा.

सलमान खानने गाणे पोस्ट केले

सलमान खानने हे गाणे सोशल मीडिया प्लॅटफॉर्म इंस्टाग्रामवर शेअर केले आहे. गाणे शेअर करताना त्यांनी लिहिले की, 'हम तुम्हे बिना बिना हे गाणे रिलीज झाले आहे. 'सिकंदर' 30 मार्च रोजी थिएटरमध्ये प्रदर्शित होईल. सलमान खानने पोस्टमध्ये रश्मिका मंदान्ना, एआर मुरुगादोस आणि साजिद नाडियाडवाला यांना टॅग केलं आहे. याआधी सिकंदरची तीन गाणी रिलीज झाली आहेत. पहिले गाणे 'जोहरा जबीन', दुसरे गाणे 'बम बम भोले' आणि तिसरे गाणे 'सिकंदर नाचे' होते. चित्रपट प्रदर्शित होण्यापूर्वी प्रत्येक गाण्याने प्रेक्षकांच्या पसंदीस उतरले आहेत.

View this post on Instagram

A post shared by Salman Khan (@beingsalmankhan)

'सिकंदर' चित्रपटाची स्टारकास्ट

'सिकंदर' चित्रपटात सलमान खानसोबत रश्मिका मंदान्ना, काजल अग्रवाल, सत्यराज आणि शर्मन जोशी हे देखील महत्त्वाच्या भूमिकेत दिसणार आहेत. हा चित्रपट 30 मार्च रोजी थिएटरमध्ये दाखल होण्यास सज्ज आहे. हा चित्रपट बॉक्स ऑफिसवर कमाल करतो की नाही हे पाहणे महत्वाचं ठरणार आहे.