रश्मिका-विजय देवरकोंडा अडकणार लग्नबेडीत! राजस्थानात सोहळा, जाणून घ्या कोणाची संपत्ती आहे जास्त?

Rashmika Mandanna and Vijay Deverakonda Wedding Date Out : दाक्षिणात्य सिनेसृष्टीपासून बॉलिवूडपर्यंत आपल्या अभिनयाची छाप पाडणारी 'नॅशनल क्रश' रश्मिका मंदाना आणि 'राउडी स्टार' विजय देवरकोंडा यांच्या चाहत्यांसाठी आनंदाची बातमी आहे. गेल्या अनेक वर्षांपासून एकमेकांना डेट करणाऱ्या या पॉवर कपलच्या लग्नाची तारीख अखेर समोर आली आहे. सोशल मीडियावर व्हायरल होत असलेल्या एका वेडिंग कार्डनुसार, हे दोघेही लवकरच सात फेरे घेणार आहेत.

लग्नाचा शाही मुहूर्त आणि ठिकाण

मिळालेल्या माहितीनुसार, विजय आणि रश्मिका २६ फेब्रुवारी २०२६ रोजी लग्नबंधनात अडकणार आहेत. राजस्थानमधील उदयपूर येथील एका ऐतिहासिक 'हेरिटेज पॅलेस'मध्ये हा विवाहसोहळा पार पडणार आहे. हा सोहळा अत्यंत खाजगी स्वरूपाचा असेल, ज्याला केवळ कुटुंबिय आणि जवळचे मित्र उपस्थित राहतील.

हैदराबादमध्ये रंगणार ग्रॅण्ड रिसीप्शन

लग्नानंतर ४ मार्च २०२६ रोजी हैदराबादमधील बंजारा हिल्स येथील 'ताज कृष्णा' या आलिशान हॉटेलमध्ये भव्य रिसेप्शन आयोजित केले जाणार आहे. या सोहळ्याला बॉलिवूड आणि टॉलीवूडमधील दिग्गज कलाकार हजेरी लावणार आहेत.

रश्मिका की विजय? कोण आहे श्रीमंत? (Net Worth 2026)

लग्नाच्या चर्चेसोबतच या दोघांच्या संपत्तीचीही मोठी चर्चा आहे. २०२६ च्या आकडेवारीनुसार, दोघांकडेही कोट्यवधींचे साम्राज्य आहे.

१. रश्मिका मंदाना (Rashmika Mandanna)

एकूण संपत्ती: ₹६६ - ७० कोटी

मानधन (प्रति चित्रपट): ₹४ - १० कोटी

आलिशान घर: बेंगळुरू (८ कोटी), मुंबई, गोवा

कार कलेक्शन: रेंज रोवर, मर्सिडीज बेंज, ऑडी

२. विजय देवरकोंडा (Vijay Deverakonda)

एकूण संपत्ती: ₹७० - ७५ कोटी

मानधन (प्रति चित्रपट): ₹१२ - १५ कोटी

आलिशान घर: हैदराबाद (१५ कोटी - ज्युबली हिल्स)

कार कलेक्शन: बीएमडब्ल्यू, फोर्ड मस्टँग, खासगी जेट

संपत्तीच्या बाबतीत विजय देवरकोंडाचे पारडे थोडे जड आहे. स्वतःचा 'राउडी' ब्रँड आणि बिझनेसमुळे विजयची नेटवर्थ रश्मिकापेक्षा थोडी जास्त आहे. या दोघांची एकत्रित संपत्ती सुमारे १४० कोटींच्या घरात जाते.

'ही' रंजक माहिती

रश्मिका आणि विजयने ऑक्टोबर २०२५ मध्येच गुपचूप साखरपुडा उरकला असल्याच्या चर्चा होत्या. अनेकदा विजयच्या हातात सगाईची अंगठी दिसल्याने चाहत्यांचा हा संशय आता लग्नाच्या बातमीने अधिक पक्का झाला आहे.

हेही वाचा : बाजार नको..! रश्मिका-विजय देवरकोंडाने नाकारली नेटफ्लिक्सची 60 कोटींची ऑफर; 'हे' आहे त्यामागचे कारण