Oscars 2025 Winner Predictions : भारतातून कुणाला संधी? पहा ऑस्कर नामांकनाची संपूर्ण यादी

जगप्रसिद्ध ऑस्कर पुरस्कार सोहळा पुढील काही तासांत सुरू होईल. अमेरिकेच्या वेळेनुसार, हा कार्यक्रम २ मार्च रोजी रात्री ८ वाजता सुरू होईल. तर भारतात हा सोहळा ३ मार्चला पहाटे ०५:३० वाजल्यापासून थेट पाहता येईल. तुम्ही हा कार्यक्रम जिओ हॉटस्टारवर पाहू शकता. जर तुमच्याकडे त्याची प्रीमियम सदस्यता असेल. टीव्हीवर तुम्ही ते स्टार मूव्हीज चॅनलवर लाईव्ह पाहू शकता.

यावेळी अनेक दिग्गजांना नामांकने

यावेळी ऑस्करसाठी अनेक उत्तम चित्रपटांना नामांकन मिळाले आहे. यामध्ये २०२४ मध्ये प्रदर्शित झालेले एमिलिया पेरेझ, अनोरा, द ब्रुटालिस्ट आणि कॉन्क्लेव्ह सारखे चित्रपट सर्वोत्कृष्ट चित्रपट श्रेणीत नामांकित झाले आहेत. सर्वोत्कृष्ट दिग्दर्शकांच्या यादीत शॉन बेकर, ब्रॅडी कॉर्बेट आणि जेम्स मॅंगोल्ड यांची नावेही समाविष्ट आहेत. कोणते चित्रपट आणि कलाकार जिंकू शकतात हे तुम्ही या बातमीत जाणून घेऊ शकता.

सर्वोत्कृष्ट चित्रपट श्रेणीतील १० नावे

ड्यून: पार्ट- २, द ब्रुटालिस्ट आणि एमिलिया पेरेझ यांच्यात स्पर्धा आहे. या श्रेणीत एमिलिया पेरेझ हा पुरस्कार जिंकू शकते, असा अंदाज वर्तवला जात आहे. दुसरीकडे, सर्वोत्कृष्ट अभिनेत्याच्या श्रेणीत, अ‍ॅड्रियन ब्रॉडी यांना द ब्रुटालिस्टसाठी आणि टिमोथी चालमेट यांना अ कम्प्लीट अननोनसाठी नामांकन मिळाले आहे. या दोहोंत यावेळी स्पर्धा आहे. तसेच एमिलिया पेरेझची कार्ला सोफिया गॅस्कॉन आणि सिंथिया एरिव्हो (विक्ड) यांच्यात संघर्ष होईल. सर्वाधिक १३ नामांकने मिळालेली एमिलिया पेरेझ जिंकते, की ८ नामांकने मिळालेली कॉन्क्लेव्ह जिंकते, हे काही तासांत कळणार आहे. या सर्व प्रश्नांची उत्तरे मिळविण्यासाठी आपल्याला काही काळ वाट पहावी लागेल.

भारतातून कुणाला संधी?

भारताच्या वतीने किरण राव यांच्या लापता लेडीज या चित्रपटाला भारताकडून अधिकृतित्या ऑस्कर पाठविण्यात आले होते. परंतु या शर्यतीत पहिल्या फेरीत तो बाहेर पडला. चित्रपट निर्मात्या पायल कपाडिया यांचा 'ऑल वी इमॅजिन अ‍ॅज लाईट' हा चित्रपट सर्वोत्कृष्ट आंतरराष्ट्रीय फीचर फिल्म वगळता सर्व श्रेणींमध्ये पाठवण्यात आला होता. परंतु त्याला कोणत्याही श्रेणीत नामांकन मिळाले नाही. तथापि, या चित्रपटाने जगभरातील अनेक चित्रपट महोत्सवांमध्ये खळबळ उडवून दिली आहे. कान्समध्ये त्याला सर्वात प्रतिष्ठित पुरस्कारानेही सन्मानित करण्यात आले. आता २०२५ च्या ऑस्करमध्ये भारताकडून अनुजा या चित्रपटातून एक आशा निर्माण झाली आहे. हा लघुपट श्रेणीत नामांकित झाला आहे. तुम्ही हा चित्रपट नेटफ्लिक्सवर पाहू शकता. गुनीत मोंगा यांनी त्याची निर्मिती केली आहे. तथापि, चित्रपटाला काय मिळते हे ३ मार्च रोजी कळेल.