संतापजनक! वैष्णोदेवीला जाऊन पिली दारू; बाॅलीवूड सेलिब्रिटीची सावली असलेल्या ओरीचे कृत्य! गुन्हा नोंद

Orry drinks alcohol at Vaishnodevi pilgrimage site : बॉलिवूड सेलिब्रिटी आणि सोशल मीडियात चर्चेत असणारा सतत बाॅलीवूडच्या अभिनेता, अभिनेत्रींसोबत फोटोत दिसणारा ओरी उर्फ ​​ओरहान अवतारमणी यांने धार्मिक भावनांचा अनादर करणारे कृत्य केले आहे. ज्यामुळे त्याच्या अडचणी वाढल्या आहेत.

माता वाष्णो देवी येथे ओरी अर्थात अवतारमणी पोहोचला. त्यानंतर कटरा पोलिसांनी ओरी आणि त्याच्या साथीदारांविरुद्ध एफआयआर दाखल केला आहे. त्यांच्यावर एका खासगी हॉटेलमध्ये दारूची पार्टी केल्याचा आरोप आहे, महत्वाची बाब म्हणजे कटरामध्ये दारू आणि मांसाहारावर पूर्ण बंदी आहे. तरीही त्याच्याकडून हे कृत्य घडले.

ओरीचा व्हिडिओ सोशल मीडियावर व्हायरल

15 मार्च रोजी सोशल मीडियावर एक व्हिडिओ व्हायरल झाला होता, ज्यामध्ये ओरी आपल्या मित्रांसोबत हॉटेलमध्ये पार्टी करताना दिसला होता. व्हिडिओमध्ये दारूच्या बाटल्याही दिसत होत्या, त्यानंतर हा विषय गतीने पसरत गेला. धार्मिक स्थळांवरील अशा कृत्यासंदर्भात स्थानिक प्रशासनाने कडक भूमिका घेतली आहे. अशा परिस्थितीत आता कटरा पोलिसांनी तीर्थक्षेत्रात मद्यप्राशन केल्याप्रकरणी ओररीसह 7 जणांवर गुन्हा दाखल केला आहे.

मुळात वैष्णोदेवी हे धार्मिक आणि पवित्र स्थान आहे. त्या परिसरासह कटरामध्ये कायद्यानुसार दारू विकणे, बाळगणे आणि पिणे याला सक्त मनाई आहे. तरीही असे कृत्य करतानाचा ओरीचा व्हिडिओ व्हायरल झाला आहे.

Jammu & Kashmir | As per police, FIR was registered against eight people, including socialite influencer Orhan Awatramani aka Orry, for allegedly consuming alcohol in a hotel located in Katra

— ANI (@ANI) March 17, 2025

कटरा पोलिसांची कडक कारवाई

एसएसपी रियासी परमवीर सिंह यांनी प्रकरणाची गांभीर्याने नोंद घेत आरोपींना अटक करण्याच्या सूचना दिल्या आहेत. तीर्थक्षेत्रांवर कोणत्याही प्रकारचे अंमली पदार्थ खपवून घेतले जाणार नाहीत, असेही ते म्हणाले. या पार्टीत ओरी व्यतिरिक्त जम्मूचा एक प्रसिद्ध रेस्टॉरंट मालक आणि एक महिला तहसीलदार यांचाही समावेश होता, त्यांच्याविरोधातही गुन्हा दाखल करण्यात आला आहे.

ओरी कोण आहे, का आहे प्रसिद्ध?

प्राप्त माहितीनुसार, ओरी हा नेहमी प्रकाशझोतात राहणारा आहे. तो अनेकदा बॉलिवूडच्या मोठ्या सेलिब्रिटींसोबतच्या फोटोंमध्ये दिसतो. त्याचे अनेक तरुण स्टार बॉलीवूड कलाकार आणि अभिनेत्री मित्र म्हणून आहेत, ज्यामुळे तो सोशल मीडियावर खूप लोकप्रिय आहे.

कटरा हे धार्मिक शहर आहे, तिथे दारू आणि मांसाहारी पदार्थांची विक्री आणि सेवन करण्यास मनाई आहे. प्रशासनाकडून वारंवार इशारे देऊनही अशा घटना उघडकीस येत असल्याने कठोर कारवाई अपेक्षित आहे. आता या प्रकरणी पुढे कोणती पावले उचलली जातात हे पाहायचे आहे.