किरण रावच्या 'लापता लेडीज' ची ऑस्करसाठी निवड, 29 चित्रपटांच्या यादीत मारली बाजी

Laapataa Ladies : किरण रावच्या 'लापता लेडीज' या हिंदी चित्रपटाची ऑस्कर 2025 साठी भारतातून निवड झाली आहे. भारत सरकारने सोमवारी या चित्रपटाबाबत एक घोषणा केली. फिल्म फेडरेशनने 29 चित्रपटांच्या यादीत लापता लेडीज हा चित्रपटही पाठवला होता. हा चित्रपट रणबीर कपूरचा 'ॲनिमल', कार्तिक आर्यनचा 'चंदू चॅम्पियन', प्रभासचा 'कल्की 2898 एडी', मल्याळम चित्रपट 'आतम', राजकुमार रावचा 'श्रीकांत' यांसारख्या चित्रपटांशी स्पर्धा करत होता आणि आता अखेर या चित्रपटाला ऑस्करमध्ये स्थान मिळाले. आमिर खान प्रॉडक्शनच्या या चित्रपटाने आपल्या अनोख्या कथेसाठी लोकांचे लक्ष वेधून घेतले आहे.

यावर्षी निर्मात्यांनी 29 चित्रपट पाठवले होते, ज्यात हनु-मान, कल्की, अॅनिमल, चंदू चॅम्पियन, सॅम बहादूर, स्वातंत्र्य वीर सावरकर, गुड लक, घरत गणपती, मैदान, झोरम, कोट्टुकाली, जामा, कलम 370, अत्तम, आदुजीविठम, आणि ऑल वी इमेजिन ऐज़ लाइट हे चित्रपट होते. जूरीनुसार लापता लेडीज शिवाय थंगालन, वाझाई, उल्लोझुक्कू आणि श्रीकांत यांचा समावेश होता. फिल्म फेडरेशन ऑफ इंडियाचे अध्यक्ष रवी कोट्टारकारा यांनी ज्युरी सदस्यांची मीडियाशी ओळख करून दिली. चित्रपट निर्माते जाह्नू बरुआ ज्युरीचे अध्यक्ष होते.

बॉलीवूडसाठीही मागील वर्ष खूप चांगले होते

गेल्या वर्षी, ज्युड अँथनी जोसेफचा '2018' चित्रपट होता, जो 96 व्या अकादमी पुरस्कारांच्या शॉर्टलिस्टमध्ये स्थान मिळवू शकला नाही. तथापि, एसएस राजामौली यांच्या 'आरआरआर' चित्रपटातील 'नाटू नाटू' या गाण्याला सर्वोत्कृष्ट गाण्याचा ऑस्कर पुरस्कार मिळाल्याने 95व्यांदा भारताची कामगिरी चांगली झाली.

"Cinema connects hearts," says Kiran Rao as 'Laapataa Ladies' heads to the Oscars

Read @ANI story | https://t.co/vrQ0SpLs5Y #oscars #kiranrao #laapataaladies pic.twitter.com/bgFLmvFqlq

— ANI Digital (@ani_digital) September 23, 2024

'द एलिफंट व्हिस्पर्स सर्वोत्कृष्ट माहितीपट

कार्तिकी गोन्साल्विस आणि गुनीत मोंगा यांच्या 'द एलिफंट व्हिस्पर्स' या माहितीपटाला सर्वोत्कृष्ट माहितीपटाचा पुरस्कार मिळाला. शौनक सेनच्या 'ऑल दॅट ब्रीदस' या चित्रपटाला सर्वोत्कृष्ट डॉक्युमेंटरी फीचर फिल्मचा पुरस्कारही मिळाला.

'लगान' ला नव्हता मिळाला ऑस्कर

आमिर खान-आशुतोष गोवारीकर यांचा 'लगान' (2001) हा शॉर्टलिस्ट मधेये जागा मिळवणारा शेवटचा भारतीय फीचर चित्रपट होता, जो 74 व्या अकादमी पुरस्कारांमध्ये 'नो मॅन्स लँड'कडून पराभूत झाला होता.