'कोणतेही लैंगिक शोषण होत नाही, सर्व काही सहमतीनेच आणि...', प्रसिद्ध अभिनेत्रीचा धक्कादायक खुलासा

Kamya Punjabi On Physical Harassment: न्यायमूर्ती हेमा समितीचा अहवाल आल्यापासून मल्याळम फिल्म इंडस्ट्री चर्चेत आहे. याबाबत लोक अनेक गोष्टींबद्दल चर्चा करताना दिसतात. मल्याळम इंडस्ट्रीत होत असलेल्या लैंगिक छळाबाबत आतापर्यंत अनेक नामवंत कलाकारांनी मौन सोडले आहे.

इंडस्ट्रीतील लैंगिक छळांची प्रकरणे

मल्याळम इंडस्ट्रीतच नाही तर बॉलिवूड आणि इतर इंडस्ट्रीमध्येही कलाकारांना लैंगिक छळाचा सामना करावा लागत असल्याचं अनेक कलाकारांनी म्हटलं आहे. विविध इंडस्ट्रींशी संबंधित कलाकार याप्रकरणी आपापल्या प्रतिक्रिया देत आहेत.

काम्या पंजाबीने टीव्ही इंडस्ट्रीची रहस्ये केली उघड

दरम्यान, बिग बॉस 7 मध्ये सहभागी झालेली टीव्ही अभिनेत्री काम्या पंजाबीने मनोरंजन क्षेत्रातील महिलांच्या सुरक्षेबाबत आपले मत व्यक्त केले आहे. एका मुलाखतीत आपला अनुभव सांगताना ती म्हणाली की, टीव्ही इंडस्ट्रीत सर्व काही सहमतीने घडते. इथे लैंगिक शोषण असं काही नाही.

'सर्वात सुरक्षित ठिकाण म्हणजे टीव्ही इंडस्ट्री'

काम्या पंजाबी म्हणाली- सध्या महिलांसाठी सर्वात सुरक्षित ठिकाण म्हणजे टीव्ही इंडस्ट्री. माझ्या मते टीव्ही हे सर्वात सुरक्षित ठिकाण आहे. आधी इथे काय व्हायचे माहीत नाही पण आता हा उद्योग सर्वात सुरक्षित आहे, इथे घाण नाही. इथे लोकांवर ना जबरदस्ती केली जाते ना ब्लॅकमेल. इथे कास्टिंग काउच असं काही नाही.

'सर्व काही परस्पर संमतीने घडते'

काम्या पंजाबी म्हणाली- जर तुमच्यात टॅलेंट असेल आणि तुम्ही त्या भूमिकेसाठी फिट असाल तर तुमची निवड केली जाते. माझ्या मते मनोरंजन उद्योगातील सर्वात सुरक्षित ठिकाण म्हणजे टीव्ही. टीव्ही इंडस्ट्रीमध्ये सर्व काही परस्पर संमतीने घडते. इथे कोणीही एखाद्याला भूमिकेचे आमिष दाखवून त्याच्यासोबत शारीरिक संबंध ठेवायला भाग पाडू शकत नाही.

'काही अभिनेते महिलांकडे आकर्षित होतात'

काम्या पुढे म्हणाली- असे काही अभिनेते आहेत, जे महिलांकडे आकर्षित होतात पण जर तुम्ही त्यांना थांबवले तर पुन्हा असे होत नाही. इथे कोणावरही सक्ती केली जात नाही. असे नाही की इथे तुम्हाला स्पर्श होईल आणि तुम्ही अस्वस्थ व्हाल. जर तुम्ही आवाज उठवला तर तुमच्यावर जबरदस्ती केली जाणार नाही.

'शारीरिक संबंधासाठी भाग पाडले जात नाही'

काम्या पंजाबीने पुढे सांगितले की,मी स्वतः पाहिले आहे की काही कलाकार मुलींसाठी वेडे होतात पण कोणी कोणावर जबरदस्ती करत नाही. मला माहित नाही की चित्रपट किंवा ओटीटीमध्ये कोणते सीन आहेत पण टीव्हीवर हे सर्व नसते. काम्याने आतापर्यंत अनेक टीव्ही मालिकांमध्ये काम केले आहे.