गोविंदासोबत लग्न का केले?, सुनीला आहुजांनी 38 वर्षांनी सांगितले गुपित; 'या' अभिनेत्यासाठी होती वेडी!

Sunita Ahuja on Govinda marriage secret : बॉलिवूडचा प्रसिद्ध अभिनेता गोविंदा आणि त्याची पत्नी सुनीता आहुजा यांच्या घटस्फोटाच्या चर्चांनी सध्या जोरदार वातावरण तापले आहे.

पण या चर्चांमध्येच, सुनीता यांनी एक जुने गुपित उघड केले आहे ज्यामुळे सर्वांनाच आश्चर्याचा धक्का बसला आहे. एका मुलाखतीत सुनीता यांनी सांगितले की, गोविंदा हा त्यांचा पहिला क्रश नव्हता, तर त्यांना धर्मेंद्र खूप आवडत होते.

धर्मेंद्र यांच्यासाठी सुनीता होत्या वेड्या

ईट ट्रॅव्हल रिपीटला दिलेल्या मुलाखतीत सुनीता आहुजा यांनी त्यांच्या तारुण्यातील आवडीनिवडीबद्दल सांगितले. त्या म्हणाल्या, "मला दुसरे कोणीही आवडत नाही, पण आता मला शाहरुख खान खूप आवडतो. मला तो आवडतो, तो एक सज्जन माणूस आहे. पण मी किशोरवयीन असताना मला फक्त धरमजी आवडायचे."

या धक्कादायक खुलास्यानंतर त्यांनी गोविंदाशी लग्न का केले, याचे कारणही सांगितले. त्या म्हणाल्या, "मी गोविंदाशी लग्न केले कारण तो धरमजींसारखा दिसतो. दोघेही पंजाबी आहेत." त्यांनी पुढे सांगितले की, एकदा त्यांनी धर्मेंद्र यांना भेटून सांगितले होते की त्यांनी गोविंदाशी लग्न केले कारण तो त्यांच्यासारखा दिसत होता.

सुनीता आहुजा यांनी गोविंदाच्या 'सँडविच' चित्रपटातील एका भूमिकेचा उल्लेख केला, ज्यात गोविंदा धर्मेंद्र यांच्यापासून प्रेरित भूमिका साकारत होता. या भूमिकेमुळे त्यांना धर्मेंद्र यांची आठवण झाली, ज्यामुळे त्यांनी गोविंदाशी लग्न करण्याचा निर्णय घेतला.

घटस्फोटाच्या चर्चांना पूर्णविराम

काही दिवसांपासून गोविंदा आणि सुनीता यांच्या घटस्फोटाच्या चर्चा सुरू आहेत, ज्यावर आता त्यांच्या वकिलांनी स्पष्टीकरण दिले आहे. गोविंदाचे वकील ललित बिंद्रा यांनी सांगितले की, "कोणताही खटला नाही, सर्व काही मिटवले जात आहे. हे सर्व लोक जुन्या गोष्टी समोर आणत आहेत." त्यांनी पुढे सांगितले की गणेश चतुर्थीला हे जोडपे एकत्र दिसेल.

गोविंदा आणि सुनीता यांच्या मुलांनीही या चर्चांना पूर्णविराम दिला आहे. त्यांची मुलगी टीना आहुजा आणि मुलगा यशवर्धन यांनी सांगितले की त्यांचे कुटुंब एकत्र आहे आणि अलीकडेच त्यांनी घरी पूजा देखील केली होती.

दरम्यान, सुनीता यांच्या या खुलाशाने त्यांच्या चाहत्यांना एक सुखद धक्का बसला आहे, ज्यामुळे त्यांच्या नात्यातील एक वेगळा पैलू समोर आला आहे.