Bigg Boss 19 महाअंतिम सोहळा 'या' दिवशी! 'बिग बॉस'बद्दल कधीही न ऐकलेल्या 'या' 3 गोष्टी वाचा

Bigg Boss 19 Grand Finale Date : मुंबई (ताजे अपडेट्स) - सलमान खान होस्ट करत असलेला वादग्रस्त रिॲलिटी शो 'बिग बॉस १९' आता अंतिम टप्प्याकडे सरकला आहे. 'घरवालो की सरकार' या थीममुळे चर्चेत असलेल्या या सीझनचा महाअंतिम सोहळा कधी होणार, याची उत्सुकता शिगेला पोहोचली आहे.

वनइंडिया इंग्लिशने यासंदर्भात वृ्त दिले आहे, या वृत्तानुसार, 'बिग बॉस १९' चा ग्रँड फिनाले ७ डिसेंबर २०२५ रोजी होण्याची शक्यता आहे. कलर्स टीव्ही आणि जिओ सिनेमावर प्रसारित होणाऱ्या या शोच्या निर्मात्यांकडून अधिकृत घोषणा होणे अद्याप बाकी आहे, पण अनेक माध्यमांनी ही तारीख समोर आणली आहे.

'शो' ला मिळणार का २ आठवड्यांचे एक्स्टेंशन?

फिनालेच्या तारखेसोबतच एक मोठी बातमी समोर येत आहे. शोच्या निर्मात्यांकडून दोन आठवड्यांचे एक्स्टेंशन (Extension) देण्यावर विचार सुरू आहे. जर शो ला प्रेक्षकांचा चांगला प्रतिसाद मिळत राहिला आणि टीआरपी (TRP) वाढला, तर ही वाढ मिळू शकते, ज्यामुळे फिनाले डिसेंबरच्या मध्यभागी होऊ शकतो.

जर शोला वाढ मिळाली, तर घरात नवीन वाईल्ड कार्ड एंट्री होण्याचीही शक्यता आहे, ज्यामुळे स्पर्धकांचे समीकरण पुन्हा बदलू शकते.

शॉकिंग डबल एव्हिक्शन! ताजे अपडेट्स..

• गेल्या आठवड्यात 'वीकेंड का वार' मध्ये झालेल्या डबल एव्हिक्शनमुळे चाहत्यांना मोठा धक्का बसला.
• बेसिर अली आणि नेहल चुडासमा हे दोन स्पर्धक घराबाहेर पडले.
• नेहलच्या बाहेर पडण्यावर फारसे आश्चर्य व्यक्त झाले नाही, पण बेसिर अलीच्या एलिमिनेशनमुळे सोशल मीडियावर चाहत्यांनी तीव्र नाराजी व्यक्त केली आणि त्याला 'अन्यायकारक' म्हटले.
• या आठवड्यात गौरव खन्ना आणि प्रणित मोरे हे दोघेही नॉमिनेशनमधून वाचले.
• 'बिग बॉस १९' ची ही शेवटची काही आठवडे आता ट्रॉफी कोणाला मिळणार हे निश्चित करतील. वाढीव कालावधी मिळतो की ७ डिसेंबरलाच या सीझनचा शेवट होतो, हे पाहणे उत्सुकतेचे ठरणार आहे.

बिग बाॅसबद्दल माहित नसलल्या या ३ गोष्टी

१. प्रारंभ आणि मूळ

बिग बाॅस शो १९९९ मध्ये नेदरलँड्समध्ये तयार झालेल्या 'बिग ब्रदर' (Big Brother) या डच रिॲलिटी शोच्या फॉरमॅटवर आधारित आहे. स्पर्धकांना (सेलिब्रिटीज/सामान्य लोक) बाहेरील जगाशी कोणताही संपर्क न ठेवता एका घरात (बिग बॉस हाऊस) राहावे लागते, जिथे कॅमेऱ्यांच्या माध्यमातून २४ तास त्यांची देखरेख केली जाते.

२. मुख्य होस्ट

बॉलिवूडचा सुपरस्टार सलमान खान हा 'बिग बॉस हिंदी' चा मुख्य चेहरा आहे. त्याने सीझन ४ (२०१०) पासून ते आतापर्यंत (सीझन १९) सर्वाधिक सीझन होस्ट केले आहेत आणि त्याच्या विशिष्ट शैलीमुळे शोची लोकप्रियता मोठ्या प्रमाणात वाढली.

३. आवाज आणि ओळख

घरातील स्पर्धकांना आदेश देणारा आणि संपूर्ण कार्यक्रमावर भाष्य करणारा पडद्यामागील गूढ आवाज अतुल कपूर यांचा आहे. त्यांचा आवाज या शोची सर्वात मोठी आणि न बदललेली ओळख आहे.