CBSE Result: दहावी बोर्डाचे निकाल लवकरचं लागणार, निकाल कुठे पाहायचा ? सर्व अपडेट्स येथे पहा

Updated: Wednesday, April 2, 2025, 11:03 [IST]

CBSE 10th Result: केंद्रीय माध्यमिक शिक्षण मंडळाशी (CBSE) संबंधित लाखो विद्यार्थ्यांची प्रतीक्षा लवकरच संपू शकते. बोर्ड मे 2025 मध्ये दहावीचा निकाल जाहीर करेल अशी अपेक्षा आहे. दरवर्षीप्रमाणे यावेळीही विद्यार्थी आणि पालक निकालाची आतुरतेने वाट पाहत आहेत. बोर्डाने यावर्षी 15फेब्रुवारी ते 18 मार्च 2025 या कालावधीत दहावीच्या परीक्षा घेतल्या होत्या.

या परीक्षांमध्ये बसलेले विद्यार्थी त्यांचे निकाल cbse.gov.in या अधिकृत वेबसाइटवर पाहू शकतील. यासाठी विद्यार्थ्यांना त्यांचे लॉगिन क्रेडेन्शियल्स जसे की रोल नंबर, शाळा क्रमांक, केंद्र क्रमांक आणि प्रवेशपत्र आयडी आवश्यक असतील. गेल्या वर्षीही सीबीएसईने मे महिन्यातच दहावीचा निकाल जाहीर केला होता आणि यावेळीही निकाल त्याच महिन्यात येण्याची अपेक्षा आहे.

24.12 लाख विद्यार्थ्यांनी दिली परीक्षा

ताज्या रिपोर्टनुसार, यावर्षी 24.12 लाख विद्यार्थ्यांनी 84 विषयांमध्ये इंटरमिजिएट परीक्षा दिली आहे. गेल्या दोन वर्षांपासून सीबीएसई बोर्ड मे महिन्यातच हायस्कूल आणि इंटरमिजिएट परीक्षांचे निकाल जाहीर करत आहे.

गेल्या वर्षी निकाल कधी लागला?

गेल्या वर्षी म्हणजे 2024 मध्ये सीबीएसई दहावीचा निकाल 13 मे रोजी जाहीर झाला होता. या वर्षीही बोर्ड हाच मार्ग अवलंबेल आणि निकाल मे महिन्यातच जाहीर होतील अशी शक्यता आहे.