संपतीच्या बाबतीत जगातील टॉप 15 च्या यादीत मुकेश अंबानी यांची एंट्री, गौतम अडानींची संपत्ती किती?

World's Top Billionaires List: अमेरिकेचे राष्ट्राध्यक्ष डोनाल्ड ट्रम्प यांच्या टॅरिफ धोरणामुळे जगभरातील शेअर बाजारांमध्ये खळबळ उडाली होती. त्याचा परिणाम अब्जाधीशांच्या निव्वळ संपत्तीत घट झाल्याच्या स्वरूपातही दिसून आला होता, परंतु आता ट्रम्प त्यांचे धोरण मवाळ होताना दिसत आहे. त्याचा फायदा श्रीमंतांच्या संपत्तीत वाढ होताना दिसत आहे.

अशा परिस्थितीत जर आपण टॉप अब्जाधीशांच्या यादीत समाविष्ट असलेल्या श्रीमंत भारतीयांबद्दल बोलयचं झालं तर रिलायन्सचे अध्यक्ष मुकेश अंबानी यांच्या एकूण संपत्तीत गेल्या दोन दिवसांत झपाट्याने वाढ झाली आहे आणि ते पुन्हा एकदा 100 अब्ज डॉलर्सच्या एकूण संपत्ती क्लबमध्ये सामील झाले आहेत. त्याच वेळी, भारतातील दुसरे एक श्रीमंत उद्योगपती गौतम अदानी हे संपत्तीच्या बाबतीत अंबानींपेक्षा मागे पडले आहेत.

फोर्ब्स रिअल टाईम बिलियनेअर्स इंडेक्सनुसार, रिलायन्सच्या अध्यक्षांची संपत्ती 100 अब्ज डॉलर्सच्या पुढे गेली आहे. ताज्या अपडेटनुसार, त्यांची एकूण संपत्ती 105.9 अब्ज डॉलर्सवर पोहोचली आहे. संपत्तीतील या वाढीमुळे अंबानी आता टॉप-15 श्रीमंतांच्या यादीत दाखल झाले असून ते आता 14 व्या क्रमांकावर आहेत. गेल्या काही दिवसांत त्यांच्या संपत्तीत झालेल्या प्रचंड वाढीमुळे ते जागतिक श्रीमंतांच्या यादीत पुढे सरकले आहेत. दुसरीकडे, अडानी ग्रुपचे चेअरमन गौतम अडानी यांची संपत्ती या कालावधीत स्थिर राहिली असून त्यांच्यामध्ये आणि अंबानी यांच्यातील अंतर वाढले आहे.

मुकेश अंबानी यांची नेटवर्थ गेल्या दोन दिवसांत लक्षणीयरित्या वाढली असून त्यांची संपत्ती आता 100 अब्ज डॉलरच्या पुढे गेली आहे. ही वाढ रिलायन्स इंडस्ट्रीजच्या शेअरमध्ये झालेल्या तेजीमुळे घडली आहे. कंपनीच्या विविध क्षेत्रांमध्ये विशेषतः दूरसंचार (जिओ), रिटेल, आणि ऊर्जा क्षेत्रातील प्रगतीमुळे गुंतवणूकदारांचा विश्वास वाढला आहे. रिलायन्सच्या शेअरने गेल्या आठवड्यात 5% पेक्षा जास्त वाढ नोंदवली आहे. त्यामुळे अंबानी यांच्या संपत्तीतही तितकाच परिणाम झाला. रिपोर्टनुसार त्यांची संपत्ती सुमारे 105 अब्ज डॉलरवर पोहोचली आहे, ज्यामुळे ते आशियातील सर्वात श्रीमंत व्यक्ती आणि जागतिक श्रीमंतांच्या यादीत 14व्या स्थानावर पोहोचले आहेत.

या वाढीचे मुख्य कारण कंपनीच्या नवीन ऊर्जा प्रकल्प आणि जिओच्या 5G विस्तार योजनांचा समावेश आहे. रिलायन्सने गेल्या महिन्यात पुनर्विकास आणि नवीन तंत्रज्ञानात 50,000 कोटी रुपयांचे गुंतवलेले असल्याचे जाहीर केले होते. त्यामुळे त्याचे बाजारात सकारात्मक संकेत मिळाले. तसेच, कंपनीच्या तिमाही आर्थिक अहवालात नफ्यात 12% वाढ झाल्याचे दिसून आली आहे. त्यामुळे गुंतवणूकदारांनी त्यांचे शेअर खरेदी करण्यास प्राधान्य दिले. अंबानी यांनी आपल्या नेतृत्वाखाली रिलायन्सला विविध क्षेत्रांत विस्तारित करत भारतातील आघाडीची कंपनी बनवले आहे आणि ही वाढ त्यांच्या धोरणांचा परिणाम असल्याचे तज्ज्ञांचे मत आहे.

जगातील श्रीमंतांची यादी

मुकेश अंबानी यांनी पुन्हा एकदा 100 अब्ज डॉलर क्लबमध्ये एंट्री करत जागतिक श्रीमंतांच्या यादीत आपले स्थान मजबूत केले आहे. दुसरीकडे, गौतम अडानी यांची संपत्ती 61.9 अब्ज डॉलरवर स्थिर असून ते 23व्या स्थानावर आहेत. यामुळे दोन भारतीय उद्योगपतींच्या संपत्तीतील अंतर सध्या स्पष्टपणे दिसते. ब्लूमबर्ग बिलेनिअर्स इंडेक्सनुसार, त्यांनी मायक्रोसॉफ्टचे सहसंस्थापक बिल गेट्स यांच्या संपत्तीच्या बाबतीत थोडेसे मागे आहेत. फोर्ब्सच्या मते, बिल गेट्सची एकूण संपत्ती 109.2 अब्ज डॉलर्स आहे तर अंबानींची एकूण संपत्ती 105.9 अब्ज डॉलर्स आहे. त्यामुळे दोन अब्जाधीशांमधील संपत्तीतील तफावत आता फक्त $3.3 अब्ज आहे.

जागतिक पातळीवर एलन मस्क हे संपत्तीच्या बाबतीत यादीत यादीत अव्वल स्थानावर आहेत. एलोन मस्क यांची एकूण संपत्ती 292.1 अब्ज डॉलर्स आहे तर दुसऱ्या क्रमांकाचे श्रीमंत व्यक्ती अमेझॉनचे जेफ बेझोस आहेत. त्यांची एकूण संपत्ती $204.3 अब्ज आहे. तिस-या क्रमांकावर फेसबुकची मूळ कंपनी मेटाचे सीईओ मार्क झुकरबर्ग आहेत. मार्क झुकरबर्गची एकूण संपत्ती 191.9 अब्ज डॉलर्स आहे.