'हे' काम करा नाहीतर 31 डिसेंबरनंतर पॅनकार्ड होऊ शकते 'निष्क्रिय!' पॅन-आधार लिंक कसे कराल? जाणून घ्या

PAN-Aadhaar Linking Deadline Dec 31 : जर तुम्ही अद्याप तुमचे पॅन कार्ड आधारशी लिंक केले नसेल, तर तुमच्याकडे आता केवळ काही तासच शिल्लक आहेत. आयकर विभागाने जाहीर केल्यानुसार, ३१ डिसेंबर २०२५ ही पॅन-आधार लिंक करण्याची अंतिम मुदत आहे. जर या मुदतीपर्यंत लिंकिंग प्रक्रिया पूर्ण झाली नाही, तर १ जानेवारी २०२६ पासून तुमचे पॅन कार्ड 'इनऑपरेटिव्ह' म्हणजेच अकार्यक्षम होईल. यामुळे तुमचे बँकिंग व्यवहार, आयटीआर भरणे आणि इतर महत्त्वाचे आर्थिक व्यवहार ठप्प होऊ शकतात.

पॅन लिंक न केल्यास काय होईल?

१ जानेवारी २०२६ पासून ज्यांचे पॅन लिंक नसेल, त्यांना काही समस्यांना सामोरे जावे लागेल.

• आयटीआर (ITR): तुम्ही तुमचे आयकर विवरणपत्र भरू शकणार नाही.
• बँक व्यवहार: ५०,००० रुपयांपेक्षा जास्त व्यवहार करणे कठीण होईल. नवीन बँक खाते उघडता येणार नाही.
• गुंतवणूक: शेअर्स किंवा म्युच्युअल फंड खरेदी-विक्रीवर मर्यादा येतील.
• दंड: मुदतीनंतर लिंकिंग करण्यासाठी १,००० रुपये लेट फी भरावी लागेल.
• टीडीएस : टॅक्स रिफंड मिळणार नाही आणि टीडीएस जास्त दराने कापला जाईल.

पॅन-आधार लिंक करण्याची सोपी पद्धत

• १. पोर्टलला भेट द्या: आयकर विभागाच्या अधिकृत www.incometax.gov.in पोर्टलवर जा.
• २. क्विक लिंक्स: होमपेजवर डाव्या बाजूला 'Link Aadhaar' या पर्यायावर क्लिक करा.
• ३. तपशील भरा: तुमचा १० अंकी पॅन नंबर आणि १२ अंकी आधार नंबर टाका.
• ४. पेमेंट: जर तुम्ही आधी दंड भरला नसेल, तर 'e-Pay Tax' द्वारे तिथे नमूद रक्कम भरा.
• ५. ओटीपी पडताळणी: आधारनुसार नाव आणि मोबाईल नंबर भरून ओटीपी (OTP) द्वारे पडताळणी पूर्ण करा.
• ६. स्टेटस तपासा: प्रक्रिया पूर्ण झाल्यावर 'Link Aadhaar Status' वर जाऊन लिंकिंग झाले की नाही याची खात्री करा.