गृहकर्ज घेणाऱ्यासाठी मोठी बातमी! SBI, HDFC की PNB? वाचा कोणत्या बँकेत मिळतंय सर्वात स्वस्त Home Loan

Home Loan Interest Rates 2026 : स्वतःच्या हक्काचे घर घेण्याचे स्वप्न पाहणाऱ्यांसाठी एक महत्त्वाची अपडेट समोर आली आहे. भारतीय रिझर्व्ह बँकेने (RBI) ६ फेब्रुवारी २०२६ रोजी झालेल्या पतधोरण बैठकीत (MPC Meeting) रेपो रेट ५.२५% वर स्थिर ठेवण्याचा निर्णय घेतला आहे. आरबीआयच्या या निर्णयामुळे गृहकर्जाच्या व्याजदरात सध्या तरी कोणताही बदल होणार नसल्याने ग्राहकांना दिलासा मिळाला आहे.

"स्वतःच्या हक्काच्या घराचं स्वप्न पाहणाऱ्यांसाठी ही दिलासादायक बातमी आहे! नवीन घर घेण्यासाठी कर्ज काढायचा विचार करत असाल, तर कर्ज घेताना नेमकी कोणती बँक तुमच्या खिशाला परवडेल? आयसीआयसीआय, स्टेट बँक ऑफ इंडिया, एचडीएफसी की बँक ऑफ महाराष्ट्र? कोणत्या बँकेत व्याजाचा दर सर्वात कमी आहे आणि तुमचा EMI किती वाचू शकतो? तुमच्या कष्टाच्या पैशांची बचत करण्यासाठी विविध बँकांच्या २०२६ मधील व्याजदरांची ही सविस्तर तुलना"

आरबीआयच्या निर्णयाचा काय होणार परिणाम?

रिझर्व्ह बँकेने व्याजदरात कोणताही बदल न केल्यामुळे, ज्यांचे गृहकर्ज रेपो रेटशी (External Benchmark) जोडलेले आहे, त्यांच्या EMI मध्ये सध्या कोणतीही वाढ होणार नाही. गेल्या काही काळापासून रेपो रेटमध्ये झालेल्या कपातीचा फायदा ग्राहकांना आधीच मिळत आहे. जोपर्यंत बँकांच्या लिक्विडिटीमध्ये बदल होत नाही, तोपर्यंत नजीकच्या भविष्यात व्याजदर स्थिर राहण्याची शक्यता आहे.

विविध बँकांचे गृहकर्ज व्याजदर (२०२६)

• सेंट्रल बँक ऑफ इंडिया: ७.३५% ते ९.४०%
• बँक ऑफ इंडिया: ७.३५% ते १२.१५%
• इंडियन ओव्हरसीज बँक: ७.३५% ते ८.४५%
• बँक ऑफ महाराष्ट्र: ७.३५% ते ९.९०%
• कॅनरा बँक / इंडियन बँक: ७.४०% ते १०.२५%
• बँक ऑफ बडोदा / युनियन बँक: ७.४५% ते १०.२०%
• भारतीय स्टेट बँक (SBI): ७.५०% ते १०.७५%
• HDFC बँक: ७.९०% ते १३.२०%
• कोटक महिंद्रा बँक: ७.९९% पासून सुरू
• पंजाब नॅशनल बँक (PNB): ८.२५% ते १०.६५%
• ICICI बँक: ८.७५% ते ११.८०%
• ॲक्सिस बँक: ८.३५% ते ११.९०%
• कर्ज घेण्यापूर्वी या गोष्टी लक्षात ठेवा

गृहकर्ज घेताना केवळ व्याजदर पाहू नका, तर बँकांचे प्रोसेसिंग फी, फोरक्लोजर चार्जेस आणि लपलेले नियम देखील तपासा. तसेच, तुमचा सिबिल स्कोर ७५० पेक्षा जास्त असेल तर बँका तुम्हाला कमीत कमी व्याजदरात कर्ज देऊ शकतात.

(महत्वाची सूचना : ही माहिती केवळ शैक्षणिक उद्देशाने दिली आहे. कोणत्याही बँकेत कर्जासाठी अर्ज करण्यापूर्वी संबंधित बँकेच्या अधिकृत वेबसाईटला भेट द्या आणि आर्थिक सल्लागाराचा सल्ला घ्या.)