HDFC Bank interest rate : एचडीएफसी बँकेच्या व्याजदरात अंशत वाढ ग्राहकांना आर्थिक फटका, खिशावर भार

HDFC Bank interest rates : भारतीय बँका वेळोवेळी व्याजदर बदलत असतात, ज्याचा थेट परिणाम सर्वसामान्यांच्या खिशावर होतो. अलीकडेच HDFC बँकेने त्यांच्या काही कर्जाच्या व्याजदरात किंचित वाढ केलीय. जे घर खरेदीसाठी किंवा इतर मोठ्या खर्चासाठी कर्ज घेण्याचा विचार करत आहेत त्यांनी नवीन दरांवर लक्ष ठेवावे. HDFC बँकेच्या या निर्णयामुळे कर्जदारांना किती फरक पडेल आणि कोणत्या कर्जाचे व्याजदर वाढले आहेत ते जाणून घेऊया.

असे आहेत व्याजदर

एचडीएफसी बँकेने नुकतेच त्यांच्या काही कर्जांच्या मार्जिनल कॉस्ट ऑफ फंड बेस्ड लेंडिंग रेट (MCLR) मध्ये 5 बेस पॉइंट्स (bps) पर्यंत वाढ केली आहे. या बदलानंतर बँकेचे MCLR व्याजदर 9.10% ते 9.45% पर्यंत असतील. हे 7 ऑक्टोबर 2024 पासून लागू झाले आहे. एचडीएफसी बँकेने नुकतेच त्यांच्या काही कर्जांच्या मार्जिनल कॉस्ट ऑफ फंड बेस्ड लेंडिंग रेट (MCLR) मध्ये 5 बेस पॉइंट्स (bps) पर्यंत वाढ केली आहे. या बदलानंतर बँकेचे MCLR व्याजदर 9.10% ते 9.45% पर्यंत असतील. हे 7 ऑक्टोबर 2024 पासून लागू झाले आहे.

5 bps वाढीचा प्रभाव

बँकेने 6 महिने आणि 3 वर्षांच्या कालावधीसाठीच्या कर्जावरील व्याजदरात 5 bps ने वाढ केली आहे, तर इतर कालावधीच्या कर्जावरील दरांमध्ये कोणताही बदल केलेला नाही. इकॉनॉमिक टाइम्सच्या रिपोर्टनुसार, बँकेचा ओव्हरनाइट रेट आता 9.10% आहे आणि एका महिन्याचा दर 9.15% आहे.

MCLR म्हणजे काय?

M.C.L.R. हे एक किमान व्याजदर आहे. जे कोणत्याही वित्तीय संस्थेद्वारे कर्ज देण्यासाठी चार्ज केला जातो. हे कर्जाच्या व्याजदरांसाठी किमान मर्यादा सेट करते, जी रिझर्व्ह बँक ऑफ इंडिया (RBI) द्वारे सुधारित होईपर्यंत निश्चित केली जाते. HDFC बँकेचे सर्व लोन रेट पॉलिसी रेपो रेटशी जोडलेले आहेत, जे सध्या 6.50% आहे.

4 होम लोनचे विशेष दर

पगारदार आणि स्वयंरोजगार असलेल्या व्यक्तींसाठी विशेष होम लोन दर 8.75% ते 9.65% (रेपो रेट + 2.25% ते 3.15%) पर्यंत आहेत, तर सामान्य लोम लोन रेट 9.40% ते 9.95% (रेपो रेट + 2.90% ते 3.45%) पर्यंत जाते. HDFC बँकेचा बेंचमार्क प्राइम लेंडिंग रेट 17.95% प्रतिवर्ष आहे आणि सुधारित बेस रेट 9.45% असेल, जो 9 सप्टेंबर 2024 पासून लागू होईल.