सोन्याचा धमाका! सराफा बाजारात मोठी उसळी; मुंबई-पुण्यासह राज्यातील प्रमुख शहरांचे ताजे दर जाणून घ्या

Gold price today 9 january 2026 : गुंतवणुकीसाठी सुरक्षित मानल्या जाणाऱ्या सोन्याने नवीन वर्षाच्या सुरुवातीलाच सर्वसामान्यांच्या खिशाला चटका देण्यास सुरुवात केली आहे. गेल्या दोन दिवसांपासून सोन्याच्या भावात झालेली घसरण आज थांबली असून, सोन्याने पुन्हा एकदा रफ्तार पकडली आहे. आज ९ जानेवारी रोजी सराफा बाजारात सोन्याच्या दरात लक्षणीय वाढ नोंदवण्यात आली आहे.

सोन्याचे आजचे ताजे दर (प्रति १० ग्रॅम)

आज सराफा बाजारात २४ कॅरेट, २२ कॅरेट आणि १८ कॅरेट सोन्याच्या किमतीत झालेली वाढ जाणून घेऊया.

महाराष्ट्रातील प्रमुख शहरांमधील सोन्याचे भाव

महाराष्ट्रातील मोठ्या शहरांमध्ये सोन्याच्या दरात थोडीफार तफावत पाहायला मिळते. आजचे (९ जानेवारी) ताजे दर खालीलप्रमाणे आहेत.

मुंबई (Mumbai): २४ कॅरेट सोन्याचा दर १,३८,८६० रुपये, तर २२ कॅरेटसाठी १,२७,३०० रुपये मोजावे लागत आहेत.

पुणे (Pune): पुण्यामध्येही सोन्याचे दर वधारले असून १० ग्रॅम २४ कॅरेट सोन्याचा भाव १,३८,७१० ते १,३८,८६० रुपयांच्या दरम्यान आहे.

नाशिक (Nashik): नाशिकच्या सराफा बाजारात २४ कॅरेट सोन्याचा भाव १,३८,७४० रुपये प्रति १० ग्रॅमवर पोहोचला आहे.

नागपूर (Nagpur): नागपुरातही सोन्याच्या दरात ७०० रुपयांहून अधिक वाढ पाहायला मिळत असून, दर १,३८,८०० रुपयांच्या पार गेले आहेत.

चांदीचीही भरारी

केवळ सोनेच नाही, तर चांदीच्या दरातही मोठी वाढ झाली आहे. मल्टी कमोडिटी एक्सचेंज (MCX) वर चांदी २,४५,९०३ रुपये प्रति किलो या पातळीवर व्यवहार करत आहे. सकाळी चांदीत तब्बल २५७९ रुपयांची तेजी दिसून आली.

का वाढले सोन्याचे भाव?

आंतरराष्ट्रीय बाजारात सोन्याच्या किमतीत झालेली वाढ (जवळपास ४,४६५ डॉलर प्रति औंस) आणि डॉलरच्या तुलनेत रुपयाचे मूल्य या गोष्टींचा परिणाम स्थानिक बाजारावर झाला आहे. तसेच लग्नसराईच्या हंगामामुळे मागणीत वाढ झाल्याने किमतींना आधार मिळाला आहे.

सोन्याच्या दरातील साप्ताहिक बदल: एक नजर

जानेवारीच्या पहिल्या आठवड्यात सोन्याच्या दरात मोठी अस्थिरता पाहायला मिळाली. २ जानेवारीला सोने प्रति १० ग्रॅम १,३७,५०० रुपयांच्या पातळीवर होते. त्यानंतर मागणी वाढल्याने ५ ते ७ जानेवारी दरम्यान दरात सातत्याने वाढ होऊन सोने १,३८,५०० रुपयांपर्यंत पोहोचले.

मात्र, ८ जानेवारीला जागतिक बाजारपेठेतील सुधारणेमुळे दरात ३५० रुपयांची किरकोळ घसरण झाली आणि भाव १,३८,१५० रुपयांवर आले. हा दिलासा अल्पकाळ टिकला, कारण आज ९ जानेवारीला सोन्याने पुन्हा मोठी भरारी घेत १,३८,८६० रुपयांचा टप्पा गाठला आहे. थोडक्यात सांगायचे झाले तर गेल्या सात दिवसांत सोन्याच्या दरात एकूण १,३६० रुपयांची वाढ झाली आहे.