सोनं झालं स्वस्त! युद्ध असूनही भावात मोठी घसरण का?; वाचा मुंबई, पुणे अन् नागपूरचे आजचे ताजे दर

Gold price analysis 13 march 2026 : अमेरिका आणि इराणमधील वाढत्या तणावाचा परिणाम जागतिक बाजारपेठेवर होत असतानाच, भारतीय सराफा बाजारातून ग्राहकांसाठी दिलासादायक बातमी आली आहे. आज १३ मार्च २०२६ रोजी सोन्याच्या दरात पुन्हा एकदा घसरण नोंदवण्यात आली आहे. २४ कॅरेट सोन्याचा दर प्रती १० ग्रॅम तब्बल ९८० रुपयांनी स्वस्त झाला असून,लग्नसराईच्या काळात खरेदी करू इच्छिणाऱ्यांसाठी ही मोठी संधी मानली जात आहे.

आजचे सविस्तर दरपत्रक (१३ मार्च २०२६)

• २४ कॅरेट (९९.९% शुद्धता): ₹ १६,१२४ प्रती ग्रॅम (₹ ९८० ने घसरण)
• २२ कॅरेट (९१.६% शुद्धता): ₹ १४,७८० प्रती ग्रॅम (₹ ९०० ने घसरण)
• १८ कॅरेट (७५.०% शुद्धता): ₹ १२,०९३ प्रती ग्रॅम (₹ ७४० ने घसरण)

प्रमुख शहरांतील आजचे सोन्याचे दर (प्रती १० ग्रॅम)

आज महाराष्ट्रातील महत्त्वाच्या शहरांमध्ये सोन्याचे दर (२४ कॅरेट) खालीलप्रमाणे आहेत.

• मुंबई (Mumbai): ₹ १,६१,२४०
• पुणे (Pune): ₹ १,६१,२८०
• नागपूर (Nagpur): ₹ १,६१,३१०
• नाशिक (Nashik): ₹ १,६१,२५०

गेल्या ८ दिवसांतील 'गोल्डन' उलथापालथ: विश्लेषण

गेल्या आठवडाभरात सोन्याने गुंतवणूकदारांच्या हृदयाचे ठोके वाढवले आहेत. याचे मुख्य टप्पे खालीलप्रमाणे आहेत.

१. युद्धाची सुरुवात आणि उसळी

मार्चच्या पहिल्या आठवड्यात जेव्हा अमेरिका-इराण तणाव शिगेला पोहोचला, तेव्हा सोन्याने प्रति १० ग्रॅम १.६५ लाखांचा ऐतिहासिक टप्पा गाठला होता.

२. अनपेक्षित पडझड

गेल्या ४-५ दिवसांत सोन्याच्या दरात सुमारे ४,००० ते ५,००० रुपयांची घसरण झाली आहे. एका अंदाजानुसार, सोन्याचे भाव दोन लाखांपर्यंत पोहचण्याचा अंदाज वर्तवण्यात आला आहे, मात्र तरीही सोन्याचे दर किती राहतील हे आगामी काळातच ठोस समजेल.

३. नफेखोरी

सोन्याचे भाव उच्चांकावर पोहोचल्यामुळे अनेक मोठ्या गुंतवणूकदारांनी सोने विकून नफा कमावण्यास सुरुवात केली, परिणामी मागणी घटून किमती खाली आल्या.

४. व्हॅल्यू बाइंग

आज सकाळी सोन्याचा भाव १,५९,७६४ रुपयांपर्यंत खाली आला होता. मात्र, कमी किमतीत सोने खरेदी करण्याची संधी पाहून पुन्हा मागणी वाढली आणि बाजार किंचित सावरला.

'गुडरिटन्स'च्या वृत्तानुसार, नामांकित वित्तीय संस्था जेपी मॉर्गनने सोन्याच्या दीर्घकालीन किमतींचा अंदाज १५ टक्क्यांनी वाढवून ४,५०० डॉलर प्रति औंस केला आहे. विशेष म्हणजे, २०२६ च्या अखेरपर्यंत हा दर ६,३०० डॉलरपर्यंत जाण्याची शक्यता त्यांनी वर्तवली आहे.

हेही वाचा : सोन्याचा भाव 2 लाखांवर जाणार? इराण-इस्रायल युद्धामुळे सोन्या-चांदीच्या दरात मोठी आग; पाहा ताजे दर

हेही वाचा : सोने-चांदीच्या किमतीत पुन्हा उलथापालथ! 5000 टन सोन्याची 'ही' मागणी किमतींना नव्या उच्चांकावर नेणार?