EPF Interest Rates: सरकारचा मोठा निर्णय! पीएफवरील व्याजदरांबाबत मोठी अपडेट

EPF Interest Rates: कर्मचाऱ्यांसाठी मोठी आनंदाची बातमी आहे. आज 28 फेब्रुवारी रोजी झालेल्या ईपीएफओ (कर्मचारी भविष्य निर्वाह निधी संघटना) च्या केंद्रीय विश्वस्त मंडळाच्या बैठकीत 2024-25 या आर्थिक वर्षासाठी पीएफवरील व्याजावर निर्णय घेण्यात आला आहे. पीटीआयच्या वृत्तानुसार ईपीएफओ बोर्ड पॅनेलने 2024-25 साठी ईपीएफमध्ये जमा केलेल्या निधीवर 8.25% व्याजदर निश्चित केला आहे.

ईपीएफओची व्याजदराची घोषणा

गेल्या वर्षी म्हणजेच फेब्रुवारी 2024 मध्ये कर्मचारी भविष्य निर्वाह निधी संघटनेने (EPFO) 2022-23 मध्ये 8.15 टक्क्यांवरून 2023-24 साठी EPF वरील व्याजदर किरकोळ वाढवून 8.25 टक्के केला आहे. EPFO ने एप्रिल 2001 मध्ये सर्वाधिक व्याजदर दिला होता जो 12% निश्चित करण्यात आला होता.

पीएफ फंडावरील व्याजदरात बदल होणार नाही

पीएफ फंडावर मिळणाऱ्या व्याजात कोणताही बदल होणार नाही. ईपीएफओच्या या निर्णयाचा कोट्यवधी खातेधारकांनाही फायदा होईल कारण त्यांच्या बचतीवरील व्याजदर अपरिवर्तित राहील. व्याजदर अंतिम मंजुरीसाठी अर्थ मंत्रालयाकडे पाठवला जाईल, त्यानंतर तो लागू केला जाईल. यापूर्वी मीडिया रिपोर्ट्समध्ये असेही अपेक्षित होते की यावेळी पीएफवरील व्याजदरात कपात होऊ शकते.

कोट्यवधी ईपीएफ सदस्यांना दिलासा

गेल्या आठवड्यातच, ईपीएफओच्या गुंतवणूक आणि लेखा समितीने संस्थेच्या उत्पन्न आणि खर्चाचा आढावा घेतला होता. यामध्ये, बोर्डाने ठेवींवरील व्याजदर कमी करण्याचा निर्णय घेतला होता. यानंतर, आता आज सीबीटी बैठकीत व्याजदरांवर निर्णय घेण्यात आला आहे.

जर पीएफ फंडांवरील व्याजदर कमी केले तर ते कोट्यवधी ईपीएफ सदस्यांना मोठा धक्का ठरू शकते. तसेच, याचा परिणाम निवृत्त लोकांच्या बचतीवर होईल. ईपीएफओच्या या निर्णयामुळे लोकांना दिलासा मिळाला आहे, आता कर्मचाऱ्यांना त्यांच्या बचतीवर चांगला परतावा मिळण्याची अपेक्षा होती.