PF Interest Rate : पीएफ व्याजदराबाबत केंद्राकडून मोठी घोषणा; 7 कोटींहून अधिक लोकांना फायदाच फायदा.!

EPF Interest Rate latest News in Marathi : केंद्र सरकारच्या वतीने शनिवारी पीएफ व्याजदरासंदर्भातील सर्वात मोठी घोषणा करण्यात आली आहे. त्यामुळे खाजगी क्षेत्रातील कर्मचाऱ्यांना केंद्राकडून मोठी भेट दिली आहे.

सरकारने 2025 या आर्थिक वर्षासाठी भविष्य निर्वाह निधी (PF) जाहीर केला आहे. त्याचा थेट फायदा हा 7 कोटींहून अधिक लोकांना होईल आणि त्यांच्या पीएफ ठेवींमध्ये वाढ होईल. त्यामुळे कंपन्यांमध्ये काम करणाऱ्या लोकांसाठी आनंदाची बातमी आहे.

केंद्र सरकारच्या वतीने सांगण्यात आले की, 2025 या आर्थिक वर्षासाठी कर्मचारी भविष्य निर्वाह निधी (EPF खात्यांवर) दरवर्षी 8.25 टक्के व्याज मिळेल. सरकारने शनिवारी त्याला मान्यता देण्यात आली आहे.

नेमका कसा झाला निर्णय, जाणून घ्या सर्व काही?

ईपीएफओने 28 फेब्रुवारी रोजी 2024-25 या आर्थिक वर्षासाठी कर्मचारी भविष्य निर्वाह निधी (EPF) ठेवींवरील व्याजदर 8.25 टक्के कायम ठेवण्याचा निर्णय घेतला, जो मागील आर्थिक वर्षात प्रदान केलेल्या दराप्रमाणेच आहे. 2024-25 साठी मंजूर केलेला व्याजदर अर्थ मंत्रालयाकडे मंजुरीसाठी पाठवण्यात आला. त्यानंतर आता सरकारने या व्याजदराला मान्यता दिली आहे. त्यामुळे 7 कोटींहून अधिक सदस्यांच्या खात्यात आता पैसे येतील.

कामगार मंत्रालयाच्या वतीने काय सांगण्यात आले?

कामगार मंत्रालयाच्या एका अधिकाऱ्याने प्रेस ट्रस्ट ऑफ इंडियाशी बोलताना सांगितले की, 'अर्थ मंत्रालयाने 2024-25 आर्थिक वर्षासाठी ईपीएफवर 8.25 टक्के व्याजदर मंजूर केला आहे आणि कामगार मंत्रालयाने गुरुवारी ईपीएफओला या संदर्भात पत्र पाठवले आहे. आता, आर्थिक वर्ष 2025 साठी मंजूर व्याजदरानुसार, व्याजाची रक्कम ईपीएफओच्या सात कोटींहून अधिक सदस्यांच्या खात्यात जमा केली जाणार आहे.

फेब्रुवारीमध्ये पीएफवरील व्याजदर वाढवण्यात आला होता. 28 फेब्रुवारी रोजी नवी दिल्ली येथे केंद्रीय कामगार आणि रोजगार मंत्री मनसुख मांडवीय यांच्या अध्यक्षतेखाली झालेल्या ईपीएफओच्या केंद्रीय विश्वस्त मंडळाच्या 237 व्या बैठकीत व्याजदराचा निर्णय घेण्यात आला. हे लक्षात घेण्यासारखे आहे की ईपीएफ अनेक निश्चित उत्पन्न साधनांच्या तुलनेत उच्च आणि स्थिर परतावा देते, ज्यामुळे निवृत्तीनंतर बचतीत स्थिर वाढ होते.

• मिळालेल्या माहितीनुसार, फेब्रुवारी 2024 मध्ये, ईपीएफओने 2022-23 मध्ये 8.15 टक्क्यांवरून 2023-24 साठी व्याजदर किरकोळ वाढवून 8.25 टक्के केला होता.
• फेब्रुवारी 2024 च्या आधी व्याजदरात कपात करण्यात आली. तेव्हा मार्च 2022 मध्ये, ईपीएफओने 2021-22 साठी ईपीएफवरील व्याजदर 2020-21 मधील 8.5 टक्क्यांवरून चार दशकांपेक्षा जास्त काळातील नीचांकी 8.1 टक्क्यांपर्यंत कमी केला होता.
• 2020-21 या आर्थिक वर्षासाठी ईपीएफवरील 8.10 टक्के व्याजदर हा 1977-78 नंतरचा सर्वात कमी आहे, जेव्हा तो 8 टक्के होता. तथापि, यावेळी देखील व्याजदर स्थिर ठेवण्यात आला आहे.