ऐन लग्नसराईत फटका! अर्थसंकल्पात सोने-होऊ शकते महाग! जाणून घ्या 22 कॅरेट सोन्याचे भाव किती वाढणार?

Budget 2025 In Marathi gold silver Price : सोने आणि चांदीच्या दरात सातत्याने वाढ होत आहे. जानेवारीच्या या 31 दिवशी सोन्याचा दर सुमारे 6 हजार रुपयांनी वाढला आहे. देशात पहिल्यांदाच सोन्याने 82 हजार रुपयांचा टप्पा ओलांडला आहे. 31 जानेवारी रोजी 24 कॅरेट 10 ग्रॅम सोन्याचा दर 82 हजारांच्यावर तर 22 कॅरेट 10 ग्रॅम सोन्याचा दर 76 हजारांच्यावर आहे.

चांदीच्या दरातही सातत्याने वाढ होत आहे. अशा परिस्थितीत 2025 च्या अर्थसंकल्पात सोन्या-चांदीचे दर आणखी वाढणार असल्याच्या बातम्या येत आहेत. केंद्रीय अर्थमंत्री निर्मला सीतारामन 1 फेब्रुवारी 2025 रोजी सकाळी 11 वाजता देशाचा सर्वसाधारण अर्थसंकल्प सादर करणार आहेत.

वाढू शकते सोन्यावर कस्टम ड्युटी!

इकॉनॉमिक टाईम्सच्या वृत्तानुसार, अर्थमंत्री निर्मला सीतारामन अर्थसंकल्पात सोन्या-चांदीवरील कस्टम ड्युटी वाढवण्याची घोषणा करू शकतात.

Budget 2025: सोन्याचा दर 4 ते 5 हजार रुपयांनी वाढू शकतो

अर्थमंत्री निर्मला सीतारामन यांनी 2024 मध्ये सादर केलेल्या अर्थसंकल्पात सोन्यावरील कस्टम ड्युटी 15 टक्क्यांवरून 6 टक्क्यांपर्यंत घटवली होती. त्यानंतर सोन्याचा दर दहा ग्रॅममागे चार ते पाच हजार रुपयांनी घसरला होता. आता या निर्णयामुळे देशात सोन्याची आयात झपाट्याने वाढू लागली आहे.

अर्थसंकल्पापूर्वी सोन्याच्या दरात सातत्याने वाढ होत असल्याबाबत तज्ज्ञांचे मत आहे की, या अर्थसंकल्पात अर्थमंत्री निर्मला सीतारामन सोन्या-चांदीवरील कस्टम ड्युटी वाढवण्याची घोषणा करू शकतात. बजेटमध्ये कस्टम ड्युटी 6 टक्क्यांवरून 12 टक्क्यांपर्यंत वाढवली जाऊ शकते. असे झाल्यास सोन्याचा भाव प्रती 10 ग्रॅममागे 4 ते 5 हजार रुपयांनी वाढू शकतो. मात्र, दिल्ली विधानसभा निवडणुका डोळ्यासमोर ठेवून केंद्रातील नरेंद्र मोदी सरकार सोन्याचे भाव वाढवण्याचा विचार करणार नसल्याचेही काही तज्ज्ञांचे मत आहे.

Budget 2025 silver rate : चांदी किती महाग होऊ शकते?

चांदीच्या दरातही सातत्याने वाढ होत आहे. गेल्या 30 दिवसांत चांदीची किंमत 85,900 रुपये प्रति किलोवरून 91,600 रुपये प्रति किलोपर्यंत वाढली आहे. अर्थसंकल्पानंतर चांदीचे दरही वाढू शकतात, असे बोलले जात आहे. तज्ज्ञांच्या मते, सोन्या-चांदीच्या प्रोजेक्शनसाठी दोघांच्या गुणोत्तराची तुलना केली जाते. हे प्रमाण सामान्यतः 30 % ते 90 % दरम्यान राहते. सध्या सोने आणि चांदीचे प्रमाण 89.3% आहे. अशा परिस्थितीत आता तज्ज्ञांचे म्हणणे आहे की, येत्या काळात हे प्रमाण आणखी घसरेल, त्यामुळे सोन्याचे दर वाढण्याची शक्यता आहे. चांदी 1 लाख रुपये प्रति किलोच्या पुढे जाऊ शकते.