Income Tax Return : आता फक्त 3 मिनिटांतच भरा ITR, 'या' कंपनीने लाँच केला देशातील पहिला AI प्लॅटफॉर्म

Income Tax Return TaxBuddy : आयटीआर म्हणजेच प्राप्तिकर विवरणपत्र (Income Tax Return - ITR) भरणे अनेकांना खूप किचकट आणि वेळखाऊ प्रक्रिया वाटते. ITR भरण्यासाठी बहुतेक लोक कर सल्लागार किंवा चार्टर्ड अकाउंटंटची मदत घेतात, आणि त्यासाठी त्यांना पैसेही द्यावे लागतात. पण आता या सर्व गोष्टींपासून तुमची सुटका होणार आहे, कारण देशातील टॅक्सबडी कंपनीने असा प्लॅटफॉर्म लाँच केला आहे, जिथे तुम्ही केवळ 3 ते 4 मिनिटांत ITR भरू शकता.

एआयमुळे ITR भरणे झाले सोपे

टॅक्सबडी एआय हा नवा प्लॅटफॉर्म कृत्रिम बुद्धिमत्ता (AI) च्या मदतीने काम करतो. या प्लॅटफॉर्मवरील एआय असिस्टंट तुम्हाला ITR भरण्यासाठी पूर्णपणे मदत करेल. तुमच्या सर्व शंकांचे निरसनही ते करेल. त्यासाठी तुम्हाला फक्त योग्य कमांड द्यावी लागेल.

तुम्ही तुमची माहिती दिल्यानंतर, हा प्लॅटफॉर्म तुम्हाला केवळ ३ मिनिटांत रिटर्न तयार करून देईल. ही प्रणाली केवळ रिटर्न तयार करून देणार नाही, तर तुमच्या वार्षिक अहवालाची निश्चिती करेल आणि तुमच्या प्रश्नांची उत्तरे देऊन सर्व शंकांचे समाधान करेल. यामुळे स्पष्टीकरणासाठी तासंतास किंवा अनेक दिवस वाट पाहावी लागणार नाही.

ITR भरण्याची अंतिम मुदत वाढवली

मीडिया रिपोर्ट्सनुसार, पगारदार व्यक्ती आणि ज्यांच्या खात्यांचे ऑडिट करण्याची गरज नाही, अशा सर्व करदात्यांसाठी ITR भरण्याची अंतिम तारीख १५ सप्टेंबर २०२५ पर्यंत वाढवण्यात आली आहे. यापूर्वी ही मुदत ३१ जुलै होती. त्यामुळे, ज्यांनी अद्याप ITR भरला नाही, त्यांच्यासाठी ही एक मोठी संधी आहे.

हा नवा प्लॅटफॉर्म ITR भरण्याची प्रक्रिया अत्यंत सोपी, वेगवान आणि सोयीची बनवणार आहे, ज्यामुळे सर्वसामान्य करदात्यांना मोठा दिलासा मिळेल.

आयटीआर दाखल करण्याचे फायदे जरी अनिवार्य नसले तरी, आयटीआर दाखल केल्याने कर्ज आणि क्रेडिट कार्ड अर्जांसाठी उत्पन्नाचा पुरावा असे फायदे मिळतात. व्हिसा अर्ज आणि टर्म इन्शुरन्स किंवा सरकारी निविदा मिळविण्यासाठी देखील हे आवश्यक आहे.

ITR दाखल करण्यासाठी आवश्यक कागदपत्रे काय लागतात?

ई-फायलिंगसाठी तुम्हाला पॅन, आधार, बँक स्टेटमेंट, फॉर्म १६, देणगी पावत्या, स्टॉक ट्रेडिंग स्टेटमेंट, विमा पॉलिसी पावत्या आणि पॅनशी जोडलेल्या बँकांकडून व्याज प्रमाणपत्रे यासारखी कागदपत्रे आवश्यक आहेत. तुम्ही तुमचा पॅन एंटर करून क्लिअरटॅक्स सारख्या प्लॅटफॉर्मवर ई-फाइल देखील करू शकता; ते आयकर विभागाच्या नोंदींमधील बहुतेक तपशील स्वयंचलितपणे भरतात.

हेही वाचा : ITR मध्ये चूक झालीय? घाबरू नका! सोप्या पद्धतीने पुन्हा भरा अन् दंड टाळा, ही प्रक्रिया समजून घ्या!