Sagarika Ghatge : कोण आहे सागरिका घाटगे?, झहीर खानच्या पत्नीने मुलाला दिला जन्म, पाहा पहिला फोटो!

Who is sagarika ghatge blessed with baby boy : भारताचा माजी क्रिकेटपटू झहीर खान आणि सागरिका घाटगे यांना मुलगा झाला. या जोडप्याने त्यांच्या पहिल्या मुलाचे स्वागत केले आहे. लग्नाच्या तब्बल आठ वर्षांनंतर, झहीर खानच्या पत्नीने एका मुलाला जन्म दिला.

बुधवारी दोघांनीही सोशल मीडिया पोस्टद्वारे ही आनंदाची बातमी शेअर केली. या हृदयस्पर्शी पोस्टमध्ये तिने तिच्या मुलाच्या आगमनाबद्दल प्रेम, कृतज्ञता आणि देवाचे आभार व्यक्त केले. या पोस्टमध्ये त्यांनी आपल्या मुलाचे नावही ठेवले आहे. सागरिकाने आपल्या मुलाचे नाव फतेह सिंग खान असे ठेवले.

पोस्टमध्ये काय म्हणाली सागरिका घाटगे?

राखाडी रंगाचा फोटो शेअर करताना सागरिकाने लिहिले की, "प्रेम, कृतज्ञता आणि दैवी आशीर्वादाने आम्ही आमच्या गोड बाळाचे, फतेहसिंग खानचे स्वागत करतो.", या पोस्टवर आता चाहते, मित्र, नातेवाईकांसह आणि सेलिब्रिटींनी त्यांना शुभेच्छा दिल्या. खान-घाटगे कुटुंबातील एका नवीन सदस्याच्या आगमनाचा आनंद साजरा केला जात आहे.

पोस्ट केलेल्या फोटोमध्ये झहीर खान त्याच्या मुलाला हातात धरलेला दिसत आहे आणि सागरिका त्याच्या खांद्यावर हात ठेवून हसत आहे.

पोस्टवर चाहत्यांकडून अभिनंदनाचा वर्षाव

सागरिका आणि तिचा पती झहीर यांच्या पोस्टवर आता शुभेच्छा संदेश दिले जात आहे. त्यांच्या पोस्टचा कमेंट सेक्शन अभिनंदनाच्या संदेशांनी भरला आहे. अंगद बेदीने उत्तर दिले, "वाहेगुरु." हरभजन सिंगनेही अभिनंदन केले आणि लिहिले, "तुम्हा दोघांचेही अभिनंदन. वाहेगुरु आम्हाला आशीर्वाद देवो." या पोस्टद्वारे त्याच्या आयुष्यातील एका सुंदर नवीन अध्यायाला सुरुवात झाली.

नोव्हेंबर 2017 मध्ये झाले होते लग्न!

झहीर आणि सागरिकाचे लग्न नोव्हेंबर 2017 मध्ये झाले. 2016 मध्ये युवराज सिंग आणि हेजल कीच सिंगच्या लग्नादरम्यान सागरिका आणि झहीरने त्यांचे नाते सार्वजनिक केले.

त्यांना एकत्र आणण्यात अंगद सिंगने मोठी भूमिका बजावली आहे. सागरिकाने स्वतः सांगितले की, पूर्वी झहीर तिच्याशी बोलतही नव्हता, परंतु अंगदने त्यांच्या नात्यात त्यांना खूप साथ दिली होती.

झहीर अन् सागरिकाची लव्ह स्टोरी कशी जुळली?

• झहीर खान आणि सागरिका घाटगे यांची पहिली भेट बॉलिवूड अभिनेता अंगद बेदीच्या माध्यमातून झाली. सागरिका अंगदची चांगली मैत्रीण होती, तर झहीर त्याला क्रिकेटमुळे ओळखत होता.
• पहिल्याच भेटीत झहीर सागरिका कडे आकर्षित झाले. झहीरच्या साधेपणाने आणि सागरिकाच्या आत्मविश्वासाने या नात्याची सुरुवात झाली. यानंतर त्यांच्यातील मैत्री हळूहळू प्रेमात बदलली आणि त्यांनी एकमेकांना डेट करायला सुरुवात केली.
• झहीर आणि सागरिका काही काळ एकमेकांना डेट करत होते, परंतु त्यांच्या प्रेमसंबंधांबद्दल फारश्या गोष्टी बाहेर आल्या नव्हत्या. युवराज सिंग आणि हेजल कीच यांच्या लग्नात त्यांनी पहिल्यांदा आपल्या नात्याला सार्वजनिक मान्यता दिली.
• झहीर आणि सागरिका हातात हात धरून उपस्थित राहिले होते. त्यावेळी त्यांच्या नात्याविषयीच्या चर्चा सर्वत्र पसरल्या. इथूनच त्यांचे नाते अधिकृतपणे स्वीकारले गेले.

कोण आहे सागरिका घाटगे

• 2007 मध्ये आलेल्या 'चक दे इंडिया' या सिनेमातून सागरिका लाईमलाईटमध्ये आली. या सिनेमात सागरिकाने साकारलेली प्रीती सबरवाल ही व्यक्तिरेखा प्रेक्षकांच्या चांगलीच लक्षात राहिली. पहिल्याच सिनेमात शाहरुख खानसोबत स्क्रीन शेअर करण्याची संधी सागरिकाला मिळाली. या सिनेमासाठी तिला सर्वोत्कृष्ट सहाय्यक अभिनेत्रीचा स्टार स्क्रीन अॅवॉर्डही मिळाला.
• चक दे नंतर सागरिकाने फॉक्स, मिले ना मिले हम, रश, जी भर के जीले, इरादा अश्या बऱ्याच हिंदी सिनेमांमध्ये काम केलं.
• दिलदरिया हा सागरिकाचा पहिला पंजाबी सिनेमा. या सिनेमासाठी सागरिकाने पंजाबी भाषेचेही धडे गिरवले.
• हिंदी आणि पंजाबी भाषिक सिनेमांसोबतच सागरिकाने मराठीमध्येही आपल्या अभिनयाने प्रेक्षकांवर छाप सोडली आहे. 2013 मध्ये सतीश राजवाडे दिग्दर्शित 'प्रेमाची गोष्ट'मध्ये सागरिका झळकली होती.
• अभिनयासोबतच सागरिका नॅशनल लेव्हलची ख्यातनाम अॅथलिटही आहे.
• सागरिका खतरोंके खिलाडीच्या सहाव्या पर्वात सहभागी झाली होती. यात तिने अंतिम फेरीपर्यंत मजल मारली.

झहीर खान आयपीएलमध्ये LSGचा मेंटार!

झहीर खान आयपीएल 2025 मध्ये लखनौ सुपर जायंट्स (एलएसजी) च्या मार्गदर्शकाची भूमिका बजावत आहे. तो नवीन कर्णधार ऋषभ पंतच्या नेतृत्वाखाली संघाला एका संस्मरणीय मोहिमेकडे नेण्याची जबाबदारी पार पाडत आहे.

चेन्नई सुपर किंग्जविरुद्ध अलिकडेच पाच विकेटनी पराभव पत्करावा लागला असला तरी, लखनौ सुपरजायंट्स संघातील वातावरण सकारात्मक आणि आशावादी आहे.

त्यांचा पुढचा सामना 19 एप्रिल रोजी राजस्थान रॉयल्सशी होईल. सध्या, लखनऊ सुपर जायंट्स 7 सामन्यांत 4 विजयांसह पॉइंट टेबलमध्ये चौथ्या स्थानावर आहे.

आता, 19 एप्रिल रोजी जयपूर येथे होणाऱ्या सामन्यात, संघ अधिक मजबूत पुनरागमन करण्याच्या उद्देशाने मैदानावर उतरेल, अशी आशा आहे.