WTC Points Table : वेस्ट इंडीज-न्यूझीलंडने उघडले खाते, टीम इंडियासह कोण कोणत्या स्थानी?

आयसीसी वर्ल्ड टेस्ट चॅम्पियनशिप (WTC) 2025-27 च्या नवीन चक्रात आता सर्व सहभागी संघांनी किमान एक तरी सामना खेळून पूर्ण केला आहे.

नुकताच न्यूझीलंड आणि वेस्ट इंडीज यांच्यातील सामना अनिर्णित राहिल्यामुळे, या दोन्ही संघांनीही आपले खाते उघडले आहे, ज्यामुळे गुणतालिकेची स्थिती बदलली आहे.

WTC मध्ये वेस्ट इंडीज आणि न्यूझीलंडने उघडले खाते

न्यूझीलंड आणि वेस्ट इंडीज यांच्यातील सामना अनिर्णित राहिल्यामुळे, दोन्ही संघांना कमी गुण मिळाले आणि त्यांची विजयाची टक्केवारी (Percentage of Points - PCT) कमी राहिली. मात्र, भविष्यात त्यांना याचा फायदा मिळू शकतो.

• संघ : खेळलेले सामने : विजय पराभव : अनिर्णित : PCT स्थान
• न्यूझीलंड : १ ० ० १ १६.६७% : ७ वे
• वेस्ट इंडीज : ६ ० ५ १ ५.५६% ९ वे

वर्ल्ड टेस्ट चॅम्पियनशिप २०२५-२७ च्या गुणतालिकेत ऑस्ट्रेलियाने वर्चस्व राखले आहे.

• स्थान संघ : खेळलेले सामने : विजय : पराभव : PCT
• १ : ऑस्ट्रेलिया : ४ ४ ० : १००.००%
• २ : दक्षिण आफ्रिका : ४ ३ १ : ७५.००%
• ३ : श्रीलंका : ३ २ १ : ६६.६७%
• ४ : पाकिस्तान : २ १ १ : ५०.००%
• ५ : भारत : ९ ४ ५ : ४८.१५%

टीम इंडियाची स्थिती: भारतीय संघाने या चक्रात आतापर्यंत सर्वाधिक ९ सामने खेळले आहेत. त्यापैकी ४ सामन्यात विजय आणि ५ सामन्यात पराभव पत्करावा लागला आहे. ४८.१५% विजयाच्या टक्केवारीसह भारत सध्या पाचव्या स्थानावर आहे.

६ ते ९ स्थानांवरील संघांची स्थिती

• स्थान : संघ : खेळलेले सामने विजय पराभव अनिर्णित PCT
• ६ : इंग्लंड : ६ २ ३ १ ३६.११%
• ७ : न्यूझीलंड : १ ० ० १ १६.६७%
• ८ : बांगलादेश : २ १ १ ० १६.६७%
• ९ : वेस्ट इंडीज : ६ ० ५ १ ५.५६%

इंग्लंडने ६ सामन्यांपैकी २ जिंकले आणि ३ गमावले आहेत, तर १ सामना अनिर्णित राहिला. त्यांची विजयाची टक्केवारी ३६.११% आहे.