WPL- 2025 : शनिवारी रंगणार मुंबई विरुद्ध दिल्लीचा सामना; कुठे पहायचा, वेळ कोणती, वाचा संपूर्ण माहिती

Published: Friday, February 14, 2025, 19:31 [IST]

महिला प्रिमिअर लीग-२०२५ चा बहुप्रतिक्षीत तिसरा हंगाम आजपासून सुरु झाला. आज पहिल्याच सामन्यात गतविजेता राँयल चॅलेंजर्स बेंगलुरु गुजरात जायंटशी भिडणार आहेत. उद्या शनिवारी मुंबई इंडियन विरुद्ध दिल्ली कॅपिटल्स हा सामना होईल. हा सामना कधी होईल, किती वाजता होईल व कोठे होईल याबाबत आज आपण पाहूयात...

मुंबई विरुद्ध दिल्ली

गेल्या वर्षी दिल्ली अंतिम फेरीत पोहोचणार होती मात्र त्यांना रॉयल चॅलेंजर्स बेंगळुरूकडून पराभव पत्करावा लागला. मुंबई इंडियन्स प्ले-ऑफमध्ये आरसीबीला मागे टाकू शकले नाहीत . दोन्ही संघ डब्ल्यूपीएलमध्ये सर्वात सातत्यपूर्ण राहिले आहेत. समोरासमोरील आकडेवारी पाहता, मुंबईने दिल्लीवर फक्त ३-२ असा विजय मिळवला आहे. सामन्याच्या सुरुवातीलाच, मुंबई इंडियन्सला दुखापतीचा धक्का बसला. पूजा वस्त्रकर दुखापतीमुळे WPL मधून बाहेर पडली. तिच्या जागी अंडर-१९ विश्वचषक विजेती पारुनिका सिसोदियाला संघात स्थान देण्यात आले. दरम्यान, दिल्लीला दुखापतीची कोणतीही मोठी चिंता नाही.