महिला विश्वचषक जिंकल्यावर टीम इंडियावर 'पैशांचा पाऊस'! भारतासह कोणत्या संघाला किती रक्कम मिळाली,वाचा

Womens world cup 2025 india win record prize money : मुंबईच्या डीवाय पाटील स्पोर्ट्स अकॅडमीमध्ये रविवारचा दिवस भारतीय महिला क्रिकेट संघाने सुवर्ण अक्षरांनी लिहून ठेवला. महिला क्रिकेटमध्ये पहिल्यांदाच वर्ल्ड कपचा किताब जिंकून टीम इंडियाने केवळ इतिहासच रचला नाही, तर आर्थिक आघाडीवरही एक नवा विक्रम प्रस्थापित केला आहे. या ऐतिहासिक विजयानंतर भारतीय संघावर बक्षिसांच्या रकमेचा अक्षरश: पाऊस पडला आहे. ही रक्कम महिला विश्वचषकाच्या इतिहासातील आजवरची सर्वात मोठी बक्षीसाची रक्कम ठरली आहे!

भारताच्या ऐतिहासिक विजयाचा थरार

अंतिम सामन्यात प्रथम फलंदाजी करताना भारतीय संघाने ७ विकेट्स गमावून २९८ धावांचा डोंगर उभा केला. या धावसंख्येमध्ये शेफाली वर्मा हिने ८७ धावांची तुफानी खेळी केली, तर दीप्ती शर्मा हिनेही धमाकेदार अर्धशतक ठोकले. या आव्हानाचा पाठलाग करताना दक्षिण आफ्रिकेचा संघ २४६ धावांवर ऑल आऊट झाला. गोलंदाजीतही दीप्ती शर्माने पुन्हा कमाल दाखवत ५ महत्त्वपूर्ण बळी घेत दक्षिण आफ्रिकेचे कंबरडे मोडले.

अंतीम सामना, स्पर्धेतील सर्वोत्तम खेळाडू

• प्लेअर ऑफ द मॅच (Player of the Match): शेफाली वर्मा (Shafali Verma)
• प्लेअर ऑफ द टूर्नामेंट (Player of the Tournament): दीप्ती शर्मा (Deepti Sharma)

टीम इंडियाला मिळालेली विक्रमी बक्षीस रक्कम

भारताच्या या ऐतिहासिक विजयानंतर 'प्राइज मनी' च्या स्वरूपात मिळालेली रक्कम ही महिला क्रिकेट विश्वचषकातली आजवरची सर्वात मोठी रक्कम आहे.

संघ बक्षीसाची रक्कम

• भारत - विजेता ₹ ४१.७७ कोटी
• दक्षिण आफ्रिका - उपविजेता ₹२१.८८ कोटी
• ऑस्ट्रेलिया - ₹११.९५ कोटी
• इंग्लंड - ₹११.९५ कोटी
• श्रीलंका - ₹७.८ कोटी
• न्यूजीलैंड - ₹७.८ कोटी
• बांग्लादेश - ₹४.५ कोटी
• पाकिस्तान - ₹४.५ कोटी