क्रिकेटपटू स्मृती मानधनाच्या वडिलांची प्रकृती कशी आहे; स्मृतीचे लग्न कधी होणार? महत्वाचे अपडेट्स

Smriti mandhana wedding postponed father health update : आंतरराष्ट्रीय क्रिकेटपटू आणि भारताची 'स्टार' फलंदाज स्मृती मानधना सध्या तिच्या व्यावसायिक आयुष्यापेक्षा वैयक्तिक आयुष्यातील एका भावनिक निर्णयामुळे चर्चेत आहे. लग्नाची लगबग सुरू असतानाच, त्यांच्या वडिलांना हृदयविकाराचा झटका आल्याने मानधना यांनी स्वतः पुढाकार घेत लग्न पुढे ढकलण्याचा निर्णय घेतला आहे. वडिलांच्या आरोग्याला प्रथम प्राधान्य देत, त्या भावनात्मकरित्या त्यांच्यासोबत उभ्या राहिल्या आहेत. लग्नाच्या धावपळीतून आलेल्या ताणामुळेच वडिलांना हा त्रास झाला असावा, अशी शक्यताही वर्तवली जात आहे.

स्मृती मानधनाच्या लग्नाची तारीख पुढे ढकलली

क्रिकेटपटू स्मृती मानधना यांच्या वडिलांना हृदयविकाराचा झटका आल्यामुळे त्यांचे लग्न स्थगित करण्यात आले आहे. लग्नाच्या भाग-दौडीमुळे झालेल्या शारीरिक किंवा मानसिक ताणामुळे वडिल श्रीनिवास मानधना यांना हा त्रास झाला असावा, अशी शक्यता वर्तवली जात आहे.

डॉक्टरांनी दिली स्मृती मानधना यांच्या वडिलांच्या आरोग्याची माहिती

वनइंडिया हिंदीच्या वृत्तानुसार, सर्वहित हॉस्पिटलचे संचालक डॉ. नमन शाह यांनी श्रीनिवास मानधना यांच्या आरोग्याची माहिती दिली. त्यांनी सांगितले की, श्रीनिवास मानधना यांना सकाळी ११:३० च्या सुमारास छातीत डाव्या बाजूला वेदना जाणवल्या, जी हृदयविकाराच्या झटक्याची लक्षणे होती.

सुरुवातीच्या तपासणीत त्यांच्या कार्डियाक एन्झाईम्समध्ये किंचित वाढ झाल्याचे आढळले आहे. डॉ. शाह यांच्या म्हणण्यानुसार, त्यांचा रक्तदाब थोडा वाढलेला आहे. त्यांना सतत ईसीजी (ECG) निरीक्षणाखाली ठेवणे आवश्यक आहे. गरज भासल्यास त्यांची अँजिओग्राफी केली जाऊ शकते. डॉक्टरांनी असा अंदाज व्यक्त केला आहे की, लग्नाच्या भाग-दौडीमुळे झालेल्या शारीरिक किंवा मानसिक ताणामुळे हा त्रास झाला असावा.

लग्न कधी होणार?

स्मृती मानधना यांचे व्यवस्थापक तुहिन मिश्रा यांनी माध्यमांना सांगितले की, श्रीनिवास मानधना हे सध्या डॉक्टरांच्या देखरेखीखाली असून त्यांना काही काळ रुग्णालयात राहावे लागेल. स्मृती मानधना आपल्या वडिलांशी भावनिकरित्या खूप जोडलेल्या आहेत. त्यामुळे, जोपर्यंत त्यांचे वडील पूर्णपणे बरे होत नाहीत, तोपर्यंत त्यांनी स्वतःहून लग्न पुढे ढकलण्याचा निर्णय घेतला आहे. वडिलांची प्रकृती पूर्णपणे सुधारल्यानंतरच मानधना लग्नाबद्दल विचार करतील, असे स्पष्ट करण्यात आले आहे.