ब्युटी क्वीन स्मृती मानधनाच्या मेहंदी सोहळ्यात महिला क्रिकेटर्सचा धुमाकूळ! सोशल मीडियावर फोटोंची धूम

Smriti Mandhana Mehendi Ceremony Photos : भारतीय महिला क्रिकेट संघाची स्टार खेळाडू आणि 'ब्युटी क्वीन' म्हणून ओळखली जाणारी स्मृती मानधना आणि संगीतकार पलाश मुच्छल यांच्या विवाह सोहळ्याला सुरुवात झाली आहे. २३ नोव्हेंबर रोजी लग्नबंधनात अडकण्यापूर्वी, सांगली येथे झालेल्या स्मृतीच्या मेहंदी समारंभात भारतीय महिला क्रिकेटपटूंनी जोरदार हजेरी लावत अक्षरशः धुमाकूळ घातला. या समारंभाचे फोटो आणि व्हिडिओ सोशल मीडियावर मोठ्या प्रमाणात व्हायरल होत आहेत.

महिला क्रिकेटर्सची हजेरी आणि उत्साह

स्मृती मानधना आणि पलाश मुच्छल यांच्या लग्नाच्या मेहंदी सोहळ्याचे फोटो स्मृतीच्या फॅन पेजेसवर आणि पलाशची बहीण पायल मुच्छल हिने इन्स्टाग्रामवर पोस्ट केले आहेत.

या सोहळ्यात भारतीय महिला क्रिकेट संघातील विश्वचषक विजेत्या महिला क्रिकेटपटूंनी हजेरी लावली. स्नेह राणा, शफाली वर्मा, जेमिमा रॉड्रिग्ज यांसारख्या खेळाडू विविध लग्न समारंभांमध्ये सहभागी होताना दिसल्या, ज्यामुळे हा सोहळा अधिक खास बनला. मेहंदी सोहळ्यापूर्वी स्मृतीचा हळदी समारंभ पार पडला होता, ज्यात पलाश मुच्छल देखील उपस्थित होता.

विवाह सोहळ्याचे तपशील!

स्मृती मानधना आणि पलाश मुच्छल आज, २३ नोव्हेंबर रोजी विवाहबंधनात अडकणार आहेत.

तपशील माहिती

• वधू : स्मृती मानधना (भारतीय महिला क्रिकेटपटू, सांगली)
• वर : पलाश मुच्छल (संगीतकार, इंदूर)
• विवाह तारीख : २३ नोव्हेंबर २०२५
• समारंभ ठिकाण : सांगली (दोन्ही कुटुंबे उपस्थित)
• आमंत्रित पाहुणे : दोन्ही कुटुंबांकडून प्रत्येकी ७० पाहुणे (मर्यादित संख्या)
• संस्कृती : दोघेही मारवाडी समुदायाच्या 'माहेश्वरी' पंथाचे आहेत.
• विशेष प्रथा : लग्नपत्रिकेची पहिली प्रत राजस्थानातील दिडवाना येथील सुरल्या माता मंदिरात (मानधना यांची कुलदैवत) पाठवण्यात आली होती.

पलाशचा अविस्मरणीय 'प्रपोजल'

स्मृती आणि पलाश यांच्या प्रेमकहाणीची सुरुवात कशी झाली, याबद्दलही माहिती समोर आली आहे. सोशल मीडियावर एक व्हिडिओ व्हायरल झाल्यानंतर दुसऱ्याच दिवशी पलाशने नवी मुंबईतील डीवाय पाटील स्टेडियममध्ये स्मृतीला लग्नाचा प्रस्ताव दिला होता.

दोन्ही कुटुंबे मूळची राजस्थानातील दिडवाना येथील असून, दशकांपूर्वी व्यवसायासाठी इतर राज्यांमध्ये स्थलांतरित झाली होती. एका मोठ्या क्रिकेट स्टार आणि संगीतकाराच्या या साध्या पण उत्साही विवाह सोहळ्याकडे चाहत्यांचे लक्ष लागले आहे.