क्रिकेटमधला 'गब्बर' पुन्हा पडला प्रेमात; कोण आहे धवनची प्रेयसी? लग्न कधी करणार? काय म्हणाला? वाचा

भारतीय क्रिकेट संघाचा तडाखेबंद माजी फलंदाज शिखर धवन सध्या त्याच्या नव्या प्रेमप्रकरणामुळे चांगलाच चर्चेत आला आहे. नुकत्याच संपलेल्या चॅम्पियन्स ट्रॉफी दरम्यान धवन दुबईमध्ये एका विशेष मुलीसोबत सामना पाहताना दिसला. आता धवनने स्वतः त्याच्या प्रेमसंबंधाबद्दल खुलासा केलाय. ही सर्वात सुंदर मुलगी त्याची मैत्रीण आहे, असं त्याने स्वतः सांगितलंय. कोण आहे शिखरची प्रेयसी, हेच आपण या बातमीतून पाहूयात...

नव्या प्रेयसीची चर्चा

चॅम्पियन्स ट्रॉफी-२०२५ दरम्यान शिखर धवन ज्या मिस्ट्री गर्लसोबत सामना पाहताना दिसला, तिचे नाव आहे सोफी शाइन. सोफी ही आयर्लंडची आहे. सामन्यादरम्यान धवन आणि सोफी एकमेकांच्या शेजारी बसलेले दिसले. एका कार्यक्रमात शिखर धवनला या मुलीबद्दल विचारल्यावर त्याने त्यांचे नाते स्पष्ट सांगितले. आपण तिच्यासोबत आयुष्यात खूप पुढे गेलो आहोत, हेही त्याने कबूल केले. या शो दरम्यानच धवनने त्याच्या गर्लफ्रेंडबद्दल खुलासा केला.

काय म्हणाला शिखर धवन?

धवनला एका कार्यक्रमात विचारण्यात आले की तो पुन्हा प्रेमात पडण्यास तयार आहे का? यावर हसत हसत उत्तर देताना तो म्हणाला, "मी नेहमीच प्रेमात असतो." मग धवनला विचारण्यात आले की त्याची गर्लफ्रेंड कोण आहे? यावर उत्तर देताना ते म्हणाले, "ज्ञानी लोकांसाठी एक इशारा पुरेसा आहे." त्यानंतर माजी भारतीय फलंदाजाला नाव विचारण्यात आले, ज्यावर त्याने उत्तर दिले, "मी नाव सांगू शकत नाही." धवन पुढे म्हणाला, "तुम्हाला जाणून घ्यायचे आहे का? तर ती सर्वात सुंदर मुलगी माझी मैत्रीण आहे." शिखरने तिचे नाव सांगितले नसले तरी, त्याने या दोघांमध्ये प्रेमप्रकरण सुरु आहे, हे मात्र अनौपचारिकपणे मान्य केले.

पहिल्या पत्नीपासून झालाय घटस्फोट

शिखर धवनने पहिले लग्न ऑस्ट्रेलियातील मेलबर्न येथे राहणाऱ्या आयुष मुखर्जीशी केले होते. ती व्यवसायाने किकबॉक्सर होती. दोघांनीही २०१२ मध्ये लग्न केले. यानंतर, २०१४ मध्ये दोघेही एका मुलाचे पालक झाले. ज्याचे नाव झोरावर होते. तथापि, त्यांचे नाते बिघडले आणि २०२३ मध्ये दोघांचा घटस्फोट झाला आणि ते वेगळे झाले. आता शिखर या नव्या मुलीसोबत लग्न करणार का, ही चर्चा सुरु झाली आहे.