रोहित परतला, आईने मारली उडी, पहा कुटुंबाची हृदयस्पर्शी भेट

मुंबई- भारतीय संघाचा कर्णधार रोहित शर्मा विश्वचषकासह काल मायदेशी परतला. टी-20 विश्वचषक जिंकल्यानंतर रोहित शर्माच्या चेहऱ्यावरचा आनंद ओसंडून वाहताना दिसला. पंतप्रधान नरेंद्र मोदी यांची भेट घेतल्यानंतर रोहित आपल्या कुटुंबातही पोहोचला.

रोहितची त्या कुटुंबासमवेतची भेट हृदयस्पर्शी अशीच होती. हा विश्वचषक आपल्यासाठी किती महत्त्वाचा आहे, हे रोहितने वारंवार सांगितले.

Such a sweet moment between Rohit Sharma and his mom 🥹❤️ pic.twitter.com/u8hXhr3LVL

— Vinesh Prabhu (@vlp1994) July 4, 2024

आईने आनंदाने मारली उडी

पीएम मोदींशी संवाद साधताना रोहित शर्मा म्हणाला की मी या ट्रॉफीची खूप दिवसांपासून वाट पाहत होतो. या ट्रॉफीसाठी संघातील सर्व खेळाडूंनी परिश्रम घेतल्याचे त्यांनी सांगितले. जेव्हा आम्हाला यश मिळाले, तेव्हा आता सर्वजण खूप आनंदी आहेत. भारतीय संघाला चॅम्पियन बनवून मायदेशी परतलेल्या रोहित शर्माला पाहून त्याच्या आईनेही आनंदाने उडी घेतली. कुटुंबानेही रोहितच्या आनंदात सहभाग घेतला.

रोहितला कडकडून मिठी

वानखेडे स्टेडियमवर एका खास समारंभात टीम इंडियाचा कर्णधार रोहित शर्मा बऱ्याच दिवसांनी आई-वडिलांना भेटला. यावेळी त्यांची आई खूपच भावूक दिसली. जेव्हा रोहित शर्मा त्याच्या आईला भेटला तेव्हा तो त्याच्यासाठी खूप भावनिक क्षण होता. हिटमॅनला पाहताच रोहित शर्माच्या आईने त्याला मिठी मारली.

भेटीची हृदय जिंकणारी गोष्ट

रोहित शर्माच्या आईने प्रथम रोहितला मिठी मारली आणि नंतर त्याच्या कपाळाचे चुंबन घेण्यास सुरुवात केली. रोहित शर्माचा हा व्हिडिओ सोशल मीडियावर मोठ्या प्रमाणात व्हायरल होत आहे. ज्यामध्ये त्याची आई प्रथम त्याच्या दोन्ही गालाचे चुंबन कसे घेते, हे दिसते. यानंतर ती त्याच्या कपाळाचे चुंबन घेते. आपल्या मुलाच्या यशाबद्दल त्याच्या आईने सांगितले की, रोहितच्या मेहनतीमुळे आणि समर्पणामुळेच त्याला आज हे यश मिळाले आहे. आज मी सर्वात आनंदी आई आहे.

रोहितची आई आजारही विसरली

यादरम्यान रोहित शर्माच्या आईनेही मोठा खुलासा केला. तिने सांगितले की, मला काही दिवसांपासून बरे वाटत नव्हते. मी आज डॉक्टरांच्या भेटीची वेळही घेतली होती. पण तरीही मी या कार्यक्रमाला आल्यामुळे डॉक्टरांची भेट रद्द केली. रोहित शर्माच्या आईने सांगितले की, हा क्षण तिच्यासाठी सर्वात महत्त्वाचा आहे.