रोहितने तब्बल 16 महिन्यानंतर वनडेमध्ये शतक ठोकले, कारकिर्दीतील 32 वे शतक! सर्वाधिक षटकही लगावले

Rohit Sharma, India Vs England 2nd ODI Update : 26 व्या षटकात आदिल रशीदविरुद्ध रोहित शर्माने षटकार मारला. यासह त्याने 76 चेंडूत आपले शतक पूर्ण केले. हे त्याच्या एकदिवसीय कारकिर्दीतील 32 वे शतक होते, त्याने फक्त 30 चेंडूत अर्धशतक पूर्ण केले. रोहितने 16 महिन्यांनंतर एकदिवसीय सामन्यात शतक झळकावले, त्याने 11 ऑक्टोबर 2023 रोजी अफगाणिस्तानविरुद्ध शेवटचे शतक झळकावले होते.

रविवारी आणखी एक विक्रम मोडला

तत्पूर्वीच रविवारी ओडिशा येथे इंग्लंडविरुद्धच्या दुसऱ्या एकदिवसीय सामन्यात रोहित शर्माने त्याच्या शानदार कारकिर्दीत आणखी एक टप्पा गाठला. दुसऱ्या षटकात दोन षटकार मारल्यानंतर, क्रिस गेलला मागे टाकत एकदिवसीय इतिहासातील दुसऱ्या क्रमांकाचा सर्वाधिक षटकार मारणारा फलंदाज बनला.

पॉवरप्ले ओव्हर्समध्ये रोहितच्या स्फोटक फलंदाजीमुळे पुढील महिन्यात होणाऱ्या चॅम्पियन्स ट्रॉफीमध्ये त्याचा फलंदाजीचा फॉर्म आणखी मजबूत झाला.

दुसऱ्या एकदिवसीय सामन्यात काय घडलं?

दुसऱ्या एकदिवसीय सामन्यात इंग्लंडने भारताला ३०५ धावांचे लक्ष्य दिले. कटकच्या बाराबाटी स्टेडियमवर झालेल्या सामन्यात इंग्लंडने नाणेफेक जिंकून फलंदाजीचा निर्णय घेतला. संघ ४९.५ षटकांत ३०४ धावांवर सर्वबाद झाला. जो रूटने ६९ आणि बेन डकेटने ६५ धावा केल्या. भारताकडून रवींद्र जडेजाने ३ विकेट्स घेतल्या.

भारताने २५.२ षटकांत २ गडी गमावून १८६ धावा केल्या. संघाकडून कर्णधार रोहित शर्मा आणि श्रेयस अय्यर क्रीजवर आहेत. रोहितने ७६ चेंडूत शतक ठोकले. ५ धावा काढून विराट कोहली बाद झाला, त्याला आदिल रशीदने झेलबाद केले. शुभमन गिल ६० धावा काढून बाद झाला, त्याला जेमी ओव्हरटनने बोल्ड केले. त्याने रोहितसोबत १३६ धावांची सलामी भागीदारी केली.

दोन्ही संघांचा प्लेइंग-11

भारत: रोहित शर्मा (कर्णधार), शुभमन गिल (उपकर्णधार), विराट कोहली, श्रेयस अय्यर, केएल राहुल (यष्टीरक्षक), हार्दिक पंड्या, रवींद्र जडेजा, अक्षर पटेल, वरुण चक्रवर्ती, हर्षित राणा आणि मोहम्मद शमी.

इंग्लंड: जोस बटलर (कर्णधार), फिल साल्ट (यष्टीरक्षक), बेन डकेट, जो रूट, हॅरी ब्रूक, लियाम लिव्हिंगस्टोन, जेमी ओव्हरटन, मार्क वूड, गस अ‍ॅटकिन्सन, आदिल रशीद आणि साकिब महमूद.