भारताच्या लक्ष्य सेनची नजर कास्यपदकावर, बॅटमिंटनमध्ये देशाला मिळवून देऊ शकतो पदक
नवी दिल्ली - पॅरिस ऑलिम्पिकमध्ये आज दहाव्या दिवशी भारतीय बॅटमिंटनपटू लक्ष्यचा सामना असून तो कास्यपदकासाठी हा सामना खेळणार आहे. तो देशासाठी पदक मिळवून देऊ शकतो त्यामुळेच समस्त भारतीयाच्या नजरा या सामन्याकडे असेल.
पॅरिस ऑलिम्पिकच्या दहाव्या दिवसाचे सामने पाहिले तर एक पदक जिंकणारा सामना आज आहे. तो म्हणजे लक्ष्य सेनचा, उपांत्य फेरीच्या सामन्यात तो पराभूत झाला असला तरी त्याच्याकडून आज पदकाच्या आशा कायम आहेत.
उपांत्य फेरीच्या सामन्यात लक्ष्य पराभूत
दुसऱ्या सेटमध्ये सात गुणांनी आघाडी घेतल्यानंतर लक्ष्यने सामना गमावला. वर्ल्ड चॅम्पियन डेन्मार्कच्या व्हिक्टर ॲक्सेलसेनविरुद्धच्या सामन्यात लक्ष्य सेनने तुफानी शैलीत खेळ करत आघाडी घेतली पण नंतर डॅनिश खेळाडूने पुनरागमन करत ठराविक अंतराने काही गुण मिळवत लक्ष्यवर दबाव आणला पण लक्ष्यने दोन गुण मिळवले.
लक्ष्यकडे होती गुणांची आघाडी
- लक्ष्यकडे गुणांची आघाडी होती, शेवटी स्कोअर 20-19 असा झाला. इथून स्कोअर बरोबरीचा झाला आणि लक्ष्यच्या अडचणीत वाढ झाली. लक्ष्यचा 22-20 असा पराभव झाला. त्याने पाच गुणांनी आघाडी घेत हा सेट गमावला.
- दुसऱ्या सेटमध्ये लक्ष्यने आक्रमक पवित्रा घेत आघाडी घेतली. तो 7-0 ने आघाडीवर होते पण तेथून परिस्थिती बदलली. व्हिक्टरने नियमित गुण मिळवून आघाडी बरोबरीत आणली, ब्रेकमध्ये लक्ष्य 11-10 ने आघाडीवर होते. ब्रेकवरून परत आल्यानंतर स्थिती आणखीनच बिघडली. व्हिक्टरने सतत स्मॅश करत लक्ष्यवर दबाव निर्माण केला आणि गुणही मिळवले.
- लक्ष्य मागे पडत राहिला आणि व्हिक्टरने सेटवर आपली पकड घट्ट केली. व्हिक्टरने हा सेट 21-14 असा जिंकला आणि सामना 2-0 असा जिंकून अंतिम फेरीत प्रवेश केला. व्हिक्टर आता सुवर्णपदकासाठी अंतिम सामना खेळणार आहे.
हाॅकीतून धक्कादायक बातमी
हॉकीमधून मोठी बातमी समोर आली आहे, भारताच्या अमित रोहिदासवर सेमीफायनल मॅचमध्ये बंदी घालण्यात आली आहे, याआधी क्वार्टर फायनल मॅचमध्ये त्याला रेड कार्ड देऊन मॅचमधून बाहेरचा रस्ता दाखवला गेला होता. हा भारतासाठी मोठा धक्का आहे. दरम्यान, टेबल टेनिसमधील भारतीय महिला संघाचा सामना आज होणार आहे. ॲथलेटिक्समध्येही काही इव्हेंट्स आहेत.
Click it and Unblock the Notifications
Sign in with Google