हरविंदर सिंगने पॅरालिम्पिकमध्ये इतिहास रचला, तिरंदाजीमध्ये जिंकले सुवर्णपदक

Paralympics 2024: पॅरिस पॅरालिम्पिकमध्ये भारताला चौथे सुवर्णपदक मिळाले आहे. हरविंदर सिंगने तिरंदाजीमध्ये पहिले पदक जिंकले आहे. हरविंदरने पोलंडच्या लुकास सिझेकचा पराभव करून सुवर्णपदक जिंकले. आज भारताला शॉटपुटनंतर दुसरे पदक मिळाले आहे.

हरविंदरने अंतिम फेरीत 6-0 असा विजय मिळवला. उपांत्यपूर्व फेरीपासून अंतिम फेरीपर्यंत त्याने आपले लक्ष्य अचूक ठेवले आणि धमाका केला. पॅरालिम्पिक किंवा ऑलिम्पिक या दोन्हीमध्ये भारतासाठी सुवर्णपदक जिंकणारा तो पहिला तिरंदाज ठरला आहे. त्याने अपेक्षा पूर्ण केल्या आणि पदक जिंकले.

या पदकासह भारताच्या खात्यात आता एकूण 22 पदके झाली आहेत. त्यापैकी चार पदके सुवर्ण आहेत. अवनी लेखरा, नितेश कुमार, सुमित अंतील यांनीही सुवर्णपदक पटकावले आहे. या यादीत सामील होणारा हरविंदर हा चौथा भारतीय खेळाडू ठरला आहे. भारताने यावेळी धमाका केला आहे.

टोकियो पॅरालिम्पिकमध्ये भारताला केवळ 19 पदके मिळाली होती. या दिवशी सचिन खिलाराने भारताला पहिले पदक मिळवून दिले. काही मोठ्या स्पर्धांमध्ये निराशा झाली पण हरविंदरने त्या निराशेवर मात करत सुवर्णपदक जिंकून भारताचे दणदणीत पुनरागमन केले.