आयपीएलमध्ये पाकिस्तानी क्रिकेटपटूची होणार एंट्री ? मोठी अपडेट आली समोर

IPL 2025 : इंडियन प्रीमियर लीग 2025 (IPL 2025) ही जगातील सर्वात मोठी देशांतर्गत टी-20 प्रीमियर लीगपैकी एक आहे. ज्यामध्ये जगाच्या कानाकोपऱ्यातील खेळाडू सहभागी होतात. आयपीएलमध्ये खेळाडूंना प्रचंड पैशांसोबतच, एक चांगले व्यासपीठ मिळते. या लीगमध्ये खेळाडू त्यांचं टॅलेंट जगासमोर दाखवू शकतात. आता आयपीएल सुरु व्हायला अवघे काही दिवस शिल्लक असतानाच एक मोठी बातमी समोर येत आहे. पाकिस्तानी गोलंदाज मोहम्मद आमिरने आयपीएल खेळण्याची इच्छा व्यक्त केली आहे.

मोहम्मद आमिरला आयपीएलमध्ये खेळायचे आहे

आंतरराष्ट्रीय क्रिकेटमधून निवृत्ती घेतल्यानंतर पाकिस्तानकडून दोनदा खेळलेला मोहम्मद आमिर आता फ्रँचायझी क्रिकेटमधील एक महत्त्वाचे नाव मानलं जातं. त्याने अलिकडेच एका कार्यक्रमात म्हटले होते की, जर मला आयपीएलमध्ये खेळण्याची संधी मिळाली तर मी ती नक्कीच स्वीकारेन. त्याच्या विधानावरून हे स्पष्ट होते की, तो आयपीएलमध्ये आपले नशीब आजमावण्यास तयार आहे, परंतु हा मार्ग सोपा नसणार आहे.

2026 मध्ये आयपीएल खेळण्याचे लक्ष्य

पाकिस्तानी क्रिकेटपटू आमिरने 2026 मध्ये होणाऱ्या आयपीएलमध्ये खेळण्याची इच्छा व्यक्त केली आहे. तो म्हणतो की जर त्याला पुढच्या वर्षी आयपीएलमध्ये खेळण्याची संधी मिळाली तर तो नक्कीच खेळेल. त्यांच्या विधानावरून हे स्पष्ट होते की ते या हंगामासाठी पूर्णपणे तयार आहेत, परंतु यासाठी त्यांना काही कायदेशीर आणि प्रशासकीय आव्हानांना तोंड द्यावे लागू शकते.

पासपोर्टसाठी अर्ज करणे आणि आयपीएलमध्ये संधी

मोहम्मद आमिरची पत्नी नरजिस ही ब्रिटीश नागरिक आहे. आमिरने ब्रिटीश पासपोर्टसाठी अर्ज केला आहे, असेही म्हटले जात आहे. जर हा अर्ज मंजूर झाला तर आमिरला आयपीएलमध्ये खेळण्याचा मार्ग मोकळा होऊ शकतो, कारण ब्रिटिश पासपोर्टसह तो भारतीय क्रिकेटमध्ये भाग घेऊ शकतो.

मोहम्मद आमिरसाठी आयपीएलमध्ये खेळण्याची संधी सोपी नसेल. त्याला पाकिस्तान आणि भारत दोन्हीकडून टीकेचा सामना करावा लागू शकतो. तथापि, आमिरने असेही म्हटले की, 2009 पासून अनेक पाकिस्तानी क्रिकेटपटू आयपीएलशी जोडले गेले आहेत, मग ते कोचिंग असो किंवा कॉमेंट्री असो.

आरसीबीसाठी आमिरचे महत्त्व

जर मोहम्मद आमिरला रॉयल चॅलेंजर्स बंगळुरूने (आरसीबी) निवडले तर तो संघाच्या गोलंदाजीच्या समस्या सोडवू शकतो, असे माजी पाकिस्तानी क्रिकेटपटू अहमद शहजाद म्हणाले. शहजादचा असा विश्वास आहे की, 'जर आमिर आरसीबीकडून खेळला तर ते आयपीएलचे विजेतेपद जिंकू शकतात. खूप कमी लोकांना माहिती असेल की पाकिस्तानी खेळाडू देखील आयपीएलमध्ये खेळले आहेत. तथापि 26/11 च्या मुंबई बॉम्बस्फोटानंतर भारतीय क्रिकेट नियामक मंडळाने (बीसीसीआय) पाकिस्तानी खेळाडूंना आयपीएलमध्ये खेळण्यास बंदी घातली.