PAK vs SL पाकिस्तान की श्रीलंका; टीम इंडियासोबत फायनलमध्ये कोण खेळणार? मॅच कधी अन् कुठे पाहाल वाचा

PAK vs SL Asia Cup 2025 : आशिया कप २०२५ चा सुपर 4 टप्पा आता अंतिम क्षणी पोहोचला आहे. भारताने अंतिम फेरीत आपले स्थान जवळपास निश्चित केले असताना, आता प्रश्न आहे की पाक आणि लंका यांच्यापैकी फायनलमध्ये भारतासोबत कोण भिडणार? याचे उत्तर ठरवण्यासाठी आज पाकिस्तान आणि श्रीलंका यांच्यात एक निर्णायक 'करो या मरो'ची लढत होणार आहे. अबू धाबीमध्ये होणारा हा सामना दोन्ही संघांसाठी केवळ एक विजय नाही, तर स्पर्धेतील त्यांचे भवितव्य ठरवणारा आहे.

सुपर-४ मध्ये दोन्ही संघ अद्याप विजयापासून दुर

विशेष म्हणजे, हे दोन्ही संघ त्यांच्या मागील सामन्यांमध्ये काही खास कामगिरी करू शकलेले नाहीत. श्रीलंकेला बांगलादेशने पराभूत केले, तर पाकिस्तानला भारताने एकतर्फी सामन्यात धुळ चारली. यामुळे, दोन्ही संघांवर आता जबरदस्त दबाव आहे. त्यांना स्पर्धेत टिकून राहण्यासाठी आणि अंतिम फेरीत भारताशी सामना करण्यासाठी विजय मिळवणे अत्यावश्यक आहे. सुपर 4 च्या गुणतालिकेत दोन्ही संघांचे खाते अद्याप उघडलेले नाही, ज्यामुळे आजच्या सामन्याचे महत्त्व आणखी वाढले आहे.

पाकिस्तानला विजयाची अपेक्षा

भारताकडून मानहानीकारक पराभव पत्करल्यानंतर, पाकिस्तानचा संघ जोरदार पुनरागमन करण्यासाठी उत्सुक आहे. त्यांची गोलंदाजी नेहमीच त्यांची सर्वात मोठी ताकद राहिली आहे. पण, त्यांच्या फलंदाजीत सातत्याचा अभाव दिसून आला आहे. मधली फळी कमकुवत दिसत असून, सलामीवीर फखर जमानलाही आपली जबाबदारी ओळखून चांगली कामगिरी करावी लागणार आहे.

श्रीलंकेसाठी घरच्या मैदानावरची संधी

श्रीलंकेसाठी त्यांच्याच मातीत हा सामना जिंकून अंतिम फेरीच्या शर्यतीत टिकून राहण्याची ही सुवर्णसंधी आहे. बांगलादेशविरुद्ध झालेल्या पराभवातून त्यांना चुका दुरुस्त कराव्या लागतील. त्यांची फलंदाजी खोलवर आहे, पण त्यांच्या आघाडीच्या फलंदाजांना मोठी खेळी करावी लागेल. गोलंदाजीत श्रीलंकेचा फिरकी विभाग त्यांची ताकद आहे आणि आजच्या सामन्यात त्यांची भूमिका खूप महत्त्वाची असेल.

सामन्याची वेळ काय?

पाकिस्तान आणि श्रीलंका या संघादरम्यानच्या लढतीची वेळ भारतीय वेळेनुसार आज २३ सप्टेंबर रोजी संध्याकाळी ७:३० वाजता सुरु होईल. (स्थानिक वेळेनुसार संध्याकाळी ६:०० वाजता)

कुठे बघाल सामना, लाइव्ह प्रक्षेपण?

पाकिस्ताना आणि श्रीलंका यांच्यातील सामना आज तुम्ही हा रोमांचक सामना भारतात सोनी स्पोर्ट्स नेटवर्क (Sony Sports Network) आणि सोनी लिव्ह ॲप (Sony Liv App) वर थेट पाहू शकता. डीडी स्पोर्ट्सवर हा सामना पाहता येणार नाही, कारण तिथे फक्त भारताच्या सामन्यांचे थेट प्रक्षेपण केले जाते.