paris olympics 2024 : भारताच्या झोळीत 6 वे पदक, अमन सेहरावतने तिरंगा फडकावला

Updated: Saturday, August 10, 2024, 0:40 [IST]

paris olympics 2024 : भारतीय कुस्तीपटू अमन सेहरावतने चमकदार कामगिरी करत शुक्रवारी कांस्यपदकावर कब्जा केला. त्याने पोर्तो रिकोचा कुस्तीपटू डॅरियन तोई क्रूझचा 13-5 असा पराभव केला. पहिल्या फेरीतच अमन 6-3 ने आघाडीवर होता. दुसऱ्या फेरीत अमनने ही आघाडी आणखी घेतली आणि क्रुझला पुनरागमनाची संधी दिली नाही.

अमनने हे पदक त्याच्या दिवंगत पालकांना समर्पित केले. अमनला इथपर्यंत पोहोचणं सोपं नव्हतं. विजयानंतर अमन म्हणाला, 'मला हे पदक माझ्या आई-वडिलांना आणि देशवासीयांना समर्पित करायचे आहे. माझी नजर पदकावर होती.

With immense pride, I congratulate Aman Sehrawat on winning the Bronze Medal in Wrestling Men's Freestyle 57 kg at the #ParisOlympics2024!

This remarkable achievement for Bharat reflects your exceptional perseverance & talent.

Your triumph is a testament to hard work &… pic.twitter.com/ZR9JZw1Sgz
— Kiren Rijiju (@KirenRijiju) August 9, 2024

मी या सामन्यात सुरुवातीपासूनच प्रतिस्पर्ध्यावर दबाव टाकला होता आणि त्यात मी यशस्वी झालो.' अमनला उपांत्य फेरीत जपानच्या रे हिगुचीकडून 0-10 असा पराभव पत्करावा लागला. कांस्यपदकाच्या लढतीत त्याने सुरुवातीपासूनच दडपण निर्माण केले आणि प्रतिस्पर्ध्याला फारशी संधी दिली नाही.

पंतप्रधान मोदींनी अमन सेहरावतचं केलं अभिनंदन

भारतीय कुस्तीपटू अमन सेहरावतने फ्रीस्टाइल 57 किलो वजनी गटात कांस्यपदक पटकावलं आहे. या यशाबद्दल पंतप्रधान मोदींनी त्यांचे अभिनंदन केले. सेहरावतचे प्रयत्न आणि यश हे भारतीय कुस्तीपटूंसाठी प्रेरणादायी असल्याचे पंतप्रधानांनी म्हटलं आहे.

पंतप्रधान मोदींनी ट्विटरवर आपल्या पोस्टमध्ये म्हटलं आहे की "आमच्या कुस्तीपटूंचा अधिक गौरव... धन्यवाद! पॅरिस ऑलिम्पिकमध्ये पुरुषांच्या 57 किलो वजनी गटात कांस्यपदक जिंकल्याबद्दल अमन सेहरावतचे अभिनंदन. त्याचे समर्पण आणि चिकाटी स्पष्टपणे दिसून येते," देश या उल्लेखनीय कामगिरीचा आनंद साजरा करत आहे."

More pride thanks to our wrestlers!

Congratulations to Aman Sehrawat for winning the Bronze Medal in the Men's Freestyle 57 kg at the Paris Olympics. His dedication and perseverance are clearly evident. The entire nation celebrates this remarkable feat.
— Narendra Modi (@narendramodi) August 9, 2024