रोहितच्या नेतृत्वाखाली बाबर आझमला संधी, कोहलीला वगळले, ICC संघात 4 भारतीय खेळाडूंचा समावेश

ICC T20 Team : गेल्या वर्षी रोहित शर्माच्या नेतृत्वाखाली टीम इंडियाने टी२० विश्वचषक जिंकला. भारतीय संघाने अंतिम सामन्यात दक्षिण आफ्रिकेला हरवून विजेतेपद पटकावले. १७ वर्षांचा दुष्काळ संपवत टीम इंडियाने २० षटकांच्या फॉरमॅटमध्ये विजय मिळवला होता.

दरम्यान, गेल्या वर्षीच्या कामगिरी लक्षात घेऊन, आयसीसीने त्यांचा वर्षातील सर्वोत्तम टी-२० संघ जाहीर केला आहे. या संघात काही आश्चर्यकारक नावे समाविष्ट करण्यात आली आहेत परंतु विराट कोहलीचे नाव भारतातून गायब आहे.

आयसीसी संघात रोहित शर्माला कर्णधारपद देण्यात आले आहे. जागतिक संघटनेने जाहीर केलेल्या संघात पाकिस्तानच्या बाबर आझमचा समावेश करण्यात आला आहे. रोहित शर्मा व्यतिरिक्त, भारतीय संघातील इतर काही नावांना त्यात स्थान देण्यात आले आहे.

त्यात भारतीय संघातील चार खेळाडूंचा समावेश करण्यात आला आहे. रोहित शर्मा व्यतिरिक्त हार्दिक पंड्या, अर्शदीप सिंग, जसप्रीत बुमराह यांनाही स्थान देण्यात आले आहे. सलामीच्या संघात रोहित शर्मा आणि ट्रॅव्हिस हेड यांची नावे समाविष्ट करण्यात आली आहेत. फिल साल्ट तिसऱ्या स्थानावर आहे आणि बाबर आझम चौथ्या स्थानावर आहे.

बाबर आझमला आयसीसी टी-२० संघात का समाविष्ट केले?

बाबरला संघात घेण्याचे एक कारण म्हणजे त्याच्या धावा. आयसीसीच्या कसोटी सदस्य देशांमधील सर्व खेळाडूंमध्ये बाबरचे नाव सर्वात वर आहे. गेल्या वर्षी त्याने २४ टी-२० सामन्यांमध्ये ७३८ धावा केल्या. त्याची सरासरी ३३ पेक्षा जास्त आहे आणि स्ट्राइक रेट १३३ आहे. याशिवाय सहा अर्धशतकेही झळकावली.

दक्षिण आफ्रिकेच्या संघाला मोठा धक्का बसला. दक्षिण आफ्रिकेच्या संघाने गेल्या वर्षी टी-२० विश्वचषकाच्या अंतिम फेरीत प्रवेश केला होता पण कोणत्याही खेळाडूला संघात स्थान मिळू शकले नाही. ऑस्ट्रेलिया, वेस्ट इंडिज, श्रीलंका, अफगाणिस्तान, झिम्बाब्वे, इंग्लंड आणि पाकिस्तानचा प्रत्येकी एक खेळाडू आहे.

आयसीसी टी२० संघ ऑफ द इयर

रोहित शर्मा (कर्णधार), ट्रॅव्हिस हेड, फिल साल्ट, बाबर आझम, निकोलस पूरन, सिकंदर रझा, हार्दिक पंड्या, रशीद खान, वानिन्दु हसरंगा, जसप्रीत बुमराह, अर्शदीप सिंग.