'तो आमचाही ही मुलगा' अर्शद नदीमने सुवर्ण पदक जिंकल्यानंतर नीरजच्या आईची प्रतिक्रिया

Neeraj Chopra Won Silver : नीरज चोप्राने सलग दुसऱ्यांदा ऑलिम्पिकमध्ये पदक जिंकले आहे. गेल्या ऑलिम्पिकमध्ये त्याने सुवर्णपदक जिंकले होते, तर यावेळी त्याने रौप्यपदक जिंकले आहे. त्याच्या या विजयावर नीरज चोप्राचे कुटुंबीय खूप आनंदी आहे.

पाकिस्तानच्या अर्शद नदीमने ऑलिम्पिक भालाफेक स्पर्धेच्या अंतिम फेरीत सुवर्णपदक जिंकले. पाकिस्तानने तब्बल 40 वर्षांनंतर ऑलिम्पिकमध्ये सुवर्णपदक जिंकले आहे. नदीमने 92.97 मीटरचा प्रभावी थ्रो करून नीरज चोप्रासह इतर सर्व खेळाडूंना मागे सोडले. नीरजने 89.45 मीटरच्या सर्वोत्तम थ्रोसह रौप्य पदक जिंकले.

रौप्य पदक जिंकल्यानंतर नीरज चोप्राची आई खूप आनंदी आहे. नीरज चोप्राची आई सरोज देवी यांनी त्यांचा आनंद शेअर केला आणि सांगितले की, आपल्या मुलाच्या यशाचा अभिमान आहे आणि तो परतल्यावर त्याच्यासाठी आवडते पदार्थ बनवेल.

यासोबतच नीरज चोप्राच्या आईनेही अर्शद नदीमच्या खेळाचे ही कौतुक केले. आम्ही खूप आनंदी आहोत, चांदीही सोन्याच्या बरोबरीची वाटते. ज्याने सुवर्ण जिंकले तो ही आमचा मुलगा आहे, त्यानेही मेहनत करून हे पदक जिंकले आहे.

#WATCH | Haryana: On Neeraj Chopra winning a silver medal in men's javelin throw at #ParisOlympics2024, his mother Saroj Devi says, "We are very happy, for us silver is also equal to gold...he was injured, so we are happy with his performance..." pic.twitter.com/6VxfMZD0rF

— ANI (@ANI) August 8, 2024

नीरज चोप्राचे वडील सतीश कुमार म्हणाले की, प्रत्येकाचा स्वतःचा दिवस असतो, आज अर्शदचा दिवस होता. अर्शद सुवर्ण जिंकू शकला. त्यात 12 देश सहभागी झाले होते, दुसऱ्या ऑलिम्पिकमध्येही आम्ही पदके जिंकू शकलो, ही आमच्यासाठी आनंदाची बाब आहे.

#WATCH | Haryana: On Neeraj Chopra winning a silver medal in men's javelin throw at #ParisOlympics2024, his father Satish Kumar says, "Everyone has their day, today was Pakistan's day...But we have won silver, and it is a proud thing for us..." pic.twitter.com/YQNpdTDYzg

— ANI (@ANI) August 8, 2024

नीरज चोप्रावर कोणत्याही प्रकारचे दडपण आहे का या प्रश्नावर सतीश कुमार म्हणाले की, नीरजच्या पाठीच्या दुखापतीमुळे त्याच्या कामगिरीवर परिणाम झाला असेल, पण आपल्या मुलाचे प्रयत्न भावी पिढ्यांना प्रेरणा देतील असा विश्वास त्यांनी व्यक्त केला. त्याने देशासाठी रौप्य पदक मिळवले आहे. आम्हाला आनंद आणि अभिमान आहे. सर्व तरुणांना त्यांच्याकडून प्रेरणा मिळेल.