मनू भाकरची दोन्ही कांस्यपदके परत जाणार! तक्रारीनंतर, फ्रेंच कंपनीने उचलले 'हे' मोठे पाऊल

Manu Bhaker's two bronze medals : भारताची स्टार पिस्तूल नेमबाज मनू भाकरची पॅरिस ऑलिम्पिकमधील दोन कांस्य पदकांची जागा समान पदकांनी घेतली जाणार आहे. अलीकडच्या काही दिवसांत जगभरातील अनेक खेळाडूंनी त्यांच्या जीर्ण झालेल्या पदकांची छायाचित्रेही सोशल मीडियावर पोस्ट केली आहेत.

मनू भाकरच्या पदकाचा रंग 'गायब' झाला असून तो बऱ्याच दिवसांपासून त्याच अवस्थेत असल्याची माहिती मिळाली आहे. आंतरराष्ट्रीय ऑलिम्पिक समितीने (IOC) सांगितले की, खराब झालेले पदके पद्धतशीरपणे फ्रेंच स्टेट मिंट (Monnaie de Paris) द्वारे बदलले जातील आणि मूळ पदकांप्रमाणेच तयार केले जातील.

प्रत्येक ऑलिम्पिक पदकाच्या मध्यभागी असलेल्या लोखंडाच्या तुकड्यांचे वजन 18 ग्रॅम (सुमारे एक औंसच्या दोन तृतीयांश) असेल. फ्रेंच स्टेट मिंट ही सरकारी मालकीची कंपनी आहे जी फ्रान्ससाठी नाणी आणि इतर चलन तयार करते. पॅरिस ऑलिम्पिक आयोजन समिती मोनाई डी पॅरिससोबत जवळून काम करत असल्याने सर्व खराब झालेले आणि सदोष पदके येत्या आठवड्यात बदलली जातील.

आयफेल टॉवरच्या तुकड्यांचा 2024 च्या ऑलिम्पिक आणि पॅरालिम्पिक पदकांमध्ये समावेश करण्यात आला होता. पॅरिस ऑलिम्पिक 2024 साठी 5,084 सुवर्ण, रौप्य आणि कांस्य पदके लक्झरी ज्वेलरी आणि घड्याळ फर्म Chaumet (LVMH गटाचा एक भाग) यांनी डिझाइन केली होती आणि मोने डी पॅरिसने तयार केली होती.

मनू भाकर स्वातंत्र्यानंतर एकाच ऑलिम्पिकमध्ये दोन पदके जिंकणारी पहिलीच महिला आहे. वैयक्तिक 10 मीटर एअर पिस्तूल प्रकारात कांस्यपदक जिंकून तिने ऑलिम्पिक पदक जिंकणारी देशाची पहिली नेमबाज बनून खेळांमध्ये भारताचे पदक खाते उघडले. 22 वर्षीय मनू भाकरने त्यानंतर सरबज्योत सिंगसोबत 10 मीटर एअर पिस्तूल मिश्र सांघिक कांस्यपदक जिंकले.