KKR Vs RCB : काय सांगतोय ईडन गार्डनचा इतिहास? कशी असेल पहिल्या सामन्यांची खेळपट्टी? वाचा, अपटेड

इंडियन प्रीमियर लीग २०२५ च्या १८ व्या हंगामातील पहिला सामना २२ मार्च रोजी खेळला जाईल. कोलकाता नाईट रायडर्स आणि रॉयल चॅलेंजर्स बंगळुरू यांच्यातील हा पहिला सामना कोलकाता येथील ईडन गार्डन्स स्टेडियमवर खेळला जाईल. या रोमांचक सामन्यात कोलकाता नाईट रायडर्सचे नेतृत्व अजिंक्य रहाणेकडे असेल. या सामन्यासाठी, खेळपट्टी आणि हवामान अहवालाकडे लक्ष दिले जात आहे. जेणेकरून दोन्ही संघांच्या खेळाडूंना मैदानावरील आव्हानाची योग्य कल्पना येईल.

सामन्याची वेळ आणि ठिकाण

कोलकाता नाईट रायडर्स आणि रॉयल चॅलेंजर्स बंगळुरू यांच्यातील हा सामना शनिवार, २२ मार्च रोजी संध्याकाळी ७:३० वाजता सुरू होईल. टॉस संध्याकाळी ७:०० वाजता होईल. हा सामना कोलकात्यातील प्रसिद्ध ईडन गार्डन्स स्टेडियमवर खेळला जाईल.

हवामान अंदाज

२२ मार्च रोजी कोलकाता येथे होणाऱ्या सामन्यादरम्यान वादळ आणि पाऊस पडण्याची शक्यता आहे. हवामान खात्याच्या मते, या दिवशी कोलकातामध्ये पावसाची ८०% शक्यता आहे. जर पाऊस पडला तर सामना रद्द होऊ शकतो. सामन्यासाठी नियोजित षटकांच्या संख्येत कपात होण्याचीही शक्यता आहे. या हवामान परिस्थितीमुळे चाहते आणि खेळाडूंमध्ये चिंता निर्माण झाली आहे, कारण पावसाचा सामन्याच्या निकालावर परिणाम होऊ शकतो.

पिच रिपोर्ट

ईडन गार्डन्स स्टेडियमची खेळपट्टी साधारणपणे फलंदाजांसाठी अनुकूल मानली जाते. इथे धावांचा पाऊस पडतो आणि चेंडू बॅटवर खूप चांगला येतो. खेळपट्टीचा वेग आणि उसळी फलंदाजांना अनुकूल असते, ज्यामुळे भरपूर चौकार आणि षटकार मारले जातात. सुरुवातीला वेगवान गोलंदाजांना मदत मिळू शकते. सामन्याच्या दुसऱ्या सत्रात खेळपट्टी संथ झाल्यावर फिरकी गोलंदाजांना खेळपट्टीकडूनही चांगली साथ मिळेल, असाही अंदाज आहे. आउटफिल्ड वेगवान असल्याने चेंडू सीमारेषेवर मारणे सोपे होते. ईडन गार्डन्सवर खेळल्या गेलेल्या मागील सामन्यांच्या आकडेवारीवरून असे दिसून येते की सरासरी धावसंख्या सुमारे १८० धावा होती. आतापर्यंत येथे एकूण ९३ आयपीएल सामने खेळले गेले आहेत, त्यापैकी प्रथम फलंदाजी करणाऱ्या संघाने ३८ आणि पाठलाग करणाऱ्या संघाने ५५ सामने जिंकले आहेत.

समोरासमोर रेकॉर्ड

आयपीएलच्या इतिहासात कोलकाता नाईट रायडर्स आणि रॉयल चॅलेंजर्स बंगळुरू यांच्यात ३४ सामने खेळले गेले आहेत. यापैकी कोलकाताने २० सामने जिंकले आहेत, तर आरसीबीला १४ सामन्यांमध्ये यश मिळाले आहे. दोन्ही संघांमधील सर्वोच्च धावसंख्या कोलकाताने केली आहे, ज्यामध्ये त्यांनी आरसीबीविरुद्ध २२२ धावा केल्या आहेत, तर आरसीबीचा सर्वोच्च धावसंख्या २२१ धावा आहे.

सामन्याचे थेट प्रक्षेपण

आयपीएल २०२५ च्या सामन्यांचे थेट प्रक्षेपण स्टार स्पोर्ट्स नेटवर्कवर पाहता येईल. जर तुम्हाला आयपीएलचा १८ वा सीझन इंग्रजीमध्ये पहायचा असेल तर तुम्ही स्टार स्पोर्ट्स इंग्लिश १ एचडी/एसडी चॅनेलवर जाऊ शकता, तर हिंदीमध्ये समालोचनासाठी ते स्टार स्पोर्ट्स हिंदी १ एचडी आणि एसडी चॅनेलवर उपलब्ध असेल. याशिवाय, तेलुगू, कन्नड आणि बंगालीसह विविध भाषांमध्ये भाष्य उपलब्ध असेल. जर तुम्हाला आयपीएल सामने मोबाईलवर पहायचे असतील तर तुम्ही जिओ सिनेमा अॅप वापरू शकता. तथापि, यावेळी जिओ वापरकर्त्यांना २९९ रुपये किंवा त्याहून अधिक रिचार्ज केल्यास मोफत जिओ हॉटस्टार सबस्क्रिप्शन मिळेल, तर इतर प्रेक्षकांना १४९ रुपयांचे सबस्क्रिप्शन घ्यावे लागेल.

संभाव्य संघ

कोलकाता नाईट रायडर्स: अजिंक्य रहाणे (कर्णधार), क्विंटन डी कॉक (यष्टीरक्षक), वेंकटेश अय्यर, सुनील नारायण, रिंकू सिंग, आंद्रे रसेल, रमणदीप सिंग, हर्षित राणा, स्पेन्सर जॉन्सन, वरुण चक्रवर्ती, वैभव अरोरा.

रॉयल चॅलेंजर्स बंगळुरू: रजत पाटीदार (कर्णधार), विराट कोहली, फिल साल्ट, लियाम लिव्हिंगस्टोन, देवदत्त पडिकल, जितेश शर्मा, कृणाल पंड्या, टिम डेव्हिड/जेकब बेथेल, भुवनेश्वर कुमार, जोश हेझलवूड, यश दयाल.